மார்ச் மாதத்தில் உங்கள் நிதி நிலையை பாதிக்கும் 5 மாற்றங்கள்… என்னென்ன தெரியுமா…?

பெரும்பாலான வரி சேமிப்பு விருப்பங்கள் குறிப்பிட்ட லாக்-இன் காலங்களுடன் வருகின்றன. எனவே, வரிச் செலவைக் குறைக்க வேண்டும் என்பதற்காக மட்டும் கண்மூடித்தனமாக எந்தத் திட்டங்களிலும் முதலீடு செய்யாதீர்கள். வரித் திட்டமிடலை நன்கு அறிந்து, உங்கள் ஒட்டுமொத்த நிதி திட்டமிடல் மற்றும் உங்கள் நிதி இலக்குகளுக்கு ஏற்ப முதலீடு செய்வது சிறந்தது.

பெரும்பாலான வரி செலுத்துவோர், புதிய வரி முறையான நிதியாண்டு 2025-26ஐ மிகவும் கவர்ச்சிகரமானதாகக் கருத வாய்ப்புண்டு. ஏனெனில், இது பிரிவு 80C, 80D மற்றும் பல பிரிவுகளின் கீழ் எந்த வரிச் சலுகைகளையும் வழங்காது.

1. கடைசி நிமிட வரி திட்டமிடல்?

வரி சேமிப்பு முதலீடுகளை செய்வதற்கான மார்ச் 31ம் தேதி காலக்கெடு நெருங்கி வருவதால், கடைசி நாள் வரை காத்திருப்பதற்குப் பதிலாக, தேவையான செயல்முறைகளை முன்னதாகவே முடிப்பது நல்லது. குறிப்பாக, உங்களது நிதி இலக்குகளுக்கு ஏற்ப புத்திசாலித்தனமாக முதலீடு செய்யுங்கள். மேலும், பொது வருங்கால வைப்பு நிதி (PPF), தேசிய ஓய்வூதியத் திட்டம் (NPS), சுகன்யா சம்ரிதி யோஜனா (SSY), பங்குச் சந்தையுடன் இணைக்கப்பட்ட சேமிப்புத் திட்டங்கள் (ELSS), ஊழியர் வருங்கால வைப்பு நிதி (EPF) மற்றும் ஆயுள் காப்பீட்டு பிரீமியங்கள் போன்றவற்றின் மூலம் வரிச் சலுகை பெறுவதையும் உறுதிப்படுத்திக் கொள்ளுங்கள்.

2. வரி மூலம் பெறப்படும் மூலதன ஆதாயங்கள்

வரிச் சலுகை என்பது இழப்புகளை ஈடுசெய்ய குறைவான செயல்திறன் கொண்ட முதலீடுகளை விற்பது மற்றும் பிற முதலீடுகளில் எதிர்கால ஆதாயங்களுடன் அவற்றை சரிசெய்தல் மற்றும் வரியைக் குறைப்பதற்கான திட்டமாகும்.

மூலதன ஆதாய வரி விதிகளின்படி, ஒரு வருடத்திற்குள் பங்குகளை விற்பது 20 சதவீத குறுகிய கால மூலதன ஆதாயங்களுக்கான (STCG) வரியை ஈர்க்கும். மேலும், ஒரு வருடத்திற்குப் பிறகு, அது ஒரு நிதியாண்டில் ரூ.1.25 லட்சத்திற்கு மேல் ஆதாயங்களுக்கு 12.5 சதவீத நீண்ட கால மூலதன ஆதாயங்களுக்கான (LTCG) வரியை ஈர்க்கும்.

நீங்கள் முதலீட்டு ஆதாயங்களைப் பெற்றிருந்தாலும், அவற்றின் மீதான வரியைத் தவிர்க்க விரும்புகிறீர்கள் என்றால், அதற்கு என்ன செய்யலாம். உங்களது பங்குகள் உண்மையாகவே இழப்பைச் சந்தித்திருக்கும் பட்சத்தில், அவற்றின் நீண்டகால வளர்ச்சி குறித்து நீங்கள் உறுதியாக இருந்தால், இழப்புகளை ஈடுசெய்ய, நீங்கள் நஷ்டத்தை ஏற்படுத்தும் பங்குகளை விற்று, அடுத்த நாள் அவற்றைத் திரும்ப வாங்கலாம். இந்த உத்தி, உங்கள் அசல் போர்ட்ஃபோலியோ அப்படியே இருப்பதை உறுதிசெய்து, வரிவிதிக்கக்கூடிய மூலதன ஆதாயங்களுக்கு எதிராக இழப்புகளை முன்பதிவு செய்ய உங்களை அனுமதிக்கிறது.

நீண்ட கால இழப்புகள், நீண்ட கால ஆதாயங்களை மட்டுமே ஈடுசெய்யும், அதே நேரத்தில் குறுகிய கால இழப்புகள் குறுகிய கால மற்றும் நீண்ட கால ஆதாயங்களை ஈடுசெய்யப் பயன்படுத்தப்படலாம். எனவே, குறைவான செயல்திறன் கொண்ட முதலீடுகளை விற்று சிறந்த வாய்ப்புகளில் மீண்டும் முதலீடு செய்வதன் மூலம், முதலீட்டாளர்கள் தங்கள் போர்ட்ஃபோலியோவின் நீண்டகால செயல்திறனை அதிகரிக்க முடியும். அதே நேரத்தில் வரியின் தாக்கத்தையும் குறைக்கலாம்.

3. சிறப்பு கால வைப்பு நிதி திட்டங்களில் முதலீடு

இந்திய ரிசர்வ் வங்கி (RBI), பிப்ரவரி 7ஆம் தேதியன்று, ரெப்போ விகிதத்தை 25 அடிப்படை புள்ளிகள் (bps) குறைத்து 6.25 சதவீதமாக நிர்ணயித்தது. கடந்த ஐந்து ஆண்டுகளில் ரெப்போ ரேட் விகிதம் குறைக்கப்பட்டது இதுவே முதல்முறை. இருப்பினும், பாங்க் ஆஃப் பரோடா (BoB), இந்தியன் பேங்க் மற்றும் ஸ்டேட் பாங்க் ஆஃப் இந்தியா (SBI) போன்ற முன்னணி வங்கிகள், 2024ஆம் ஆண்டின் மத்தியில் அறிமுகப்படுத்திய சிறப்பு கால மற்றும் அதிக விகிதங்களைக் கொண்ட வைப்புத்தொகை திட்டங்களை மார்ச் 31ஆம் தேதி வரை வழங்குகின்றன.

இதையும் படிக்க: உங்க யூஏஎன் நம்பர் தெரியலையா…? பிஎஃப் விவரங்களை தெரிஞ்சுக்க ஈஸியான ஐடியா இதோ…!

வழக்கமான வைப்புத்தொகை திட்டங்களுடன் ஒப்பிடும்போது, இந்த சிறப்பு வைப்புத்தொகை திட்டங்கள் அதிக வட்டி விகிதங்களை வழங்குகின்றன. குறுகிய காலத்தில் தங்கள் வருமானத்தைப் பெருக்க நினைக்கும் வாடிக்கையாளர்கள், ஆபத்து இல்லாத முதலீட்டுக்கு இதை தேர்வு செய்யலாம்.

உதாரணமாக, பாங்க் ஆஃப் பரோடாவின் BoB உத்சவ் வைப்புத் திட்டம் 400 நாட்கள் லாக்-இன் காலத்துடன் வருகிறது. அதே நேரத்தில் ஸ்டேட் பேங்க் ஆப் இந்தியா முறையே 444 நாட்கள் மற்றும் 400 நாட்கள் முதிர்வு காலங்களுடன் அம்ரித் விருஷ்டி மற்றும் அம்ரித் கலாஷ் ஆகிய திட்டங்களை அறிமுகப்படுத்தியுள்ளது. இந்தியன் வங்கியின் Ind Supreme கால வைப்புத் தொகை 300 நாட்கள் கால அளவைக் கொண்டுள்ளது.

BoB-ன் ஒரு வருட கால நிலையான வைப்புத்தொகை ஆண்டுக்கு 6.85 சதவீதத்தை வழங்குகிறது. அதே நேரத்தில், அதன் 400 நாள் சிறப்பு கால வைப்புத்தொகை 7.3 சதவீதம் என்கிற அதிக வருமானத்தைத் தருகிறது. இதேபோல், எஸ்பிஐ-ன் ஒரு வருடம் முதல் இரண்டு ஆண்டுகளுக்கும் குறைவான வைப்புத்தொகை திட்டமானது, 6.8 சதவீதத்தை வழங்குகிறது. அதே நேரத்தில் அதன் 444 நாள் அம்ரித் விருஷ்டி திட்டம் 7.25 சதவீதம் என குறுகிய காலத்திற்கு அதிக வருமானத்தை வழங்குகிறது.

இதையும் படிக்க: Fixed deposit | சமீபத்தில் FD-க்கான வட்டி விகிதங்களை குறைத்துள்ள 2 வங்கிகள்… எவை தெரியுமா…?

4. வரி எச்சரிக்கை:

நீங்கள் சம்பளம் வாங்கும் தனிநபராக இருந்தால், வரி செலுத்துவதில் இருந்து உங்களுக்கு முன்கூட்டியே விலக்கு அளிக்கப்பட்டுள்ளதாக நினைக்க வேண்டாம். வட்டி, வாடகை அல்லது மூலதன ஆதாயங்கள் போன்ற கூடுதல் வருமான ஆதாரங்கள் உங்களிடம் இருந்தால், நீங்கள் வரி செலுத்த வேண்டி இருக்கலாம். வருமான வரிச் சட்டப் பிரிவு 208இன் கீழ் வரி செலுத்த வேண்டிய நிலையைச் சரிபார்க்கவும், ஆண்டுக்கான மதிப்பிடப்பட்ட வரி ரூ.10,000-ஐ தாண்ட வாய்ப்புள்ளது என்றால் நீங்கள் வரி செலுத்த வேண்டும்.

வரி செலுத்துவோர் தங்கள் மதிப்பிடப்பட்ட வரியை நான்கு தவணைகளில் செலுத்த வேண்டும். இதில், இறுதி தவணை மார்ச் 15 அன்று அல்லது அதற்கு முன் செலுத்தப்பட வேண்டும். ஒருவேளை அதனை செலுத்தத் தவறினால் அல்லது தாமதமாக பணம் செலுத்தினால் பிரிவு 234Cஇன் கீழ் மாதத்திற்கு 1 சதவீதம் வரை அபராதம் விதிக்கப்படும்.

5. IRDAI இன் Bima-ASBA:

இந்திய காப்பீட்டு ஒழுங்குமுறை மற்றும் மேம்பாட்டு ஆணையம் (IRDAI) மார்ச் 1 முதல் வருங்கால பாலிசிதாரர்களுக்கு நிறுத்தப்பட்ட வசதியை பீமா – ஏஎஸ்பிஏ (Bima – ASBA) வசதியின் மூலம் UPI-வழியாக வழங்குமாறு காப்பீட்டு நிறுவனங்களுக்கு அறிவுறுத்தியுள்ளது. இதன்மூலம், புதிதாக காப்பீடு வாங்குபவர்கள் தங்கள் விண்ணப்பங்கள் ஏற்றுக்கொள்ளப்படுவதற்கு முன்பு, தங்கள் கணக்கில் பிரீமியங்களுக்கு பணம் வைத்துக்கொள்ளத் தேவையில்லை. இதன்மூலம் அவர்கள் விரைவில் காப்பீடுகளை வாங்க முடியும். காப்பீட்டு நிறுவனங்கள் இந்த வசதியை வழங்குவது கட்டாயமாகும்.

ஆரம்ப பொது வழங்கல் (IPO) விண்ணப்பங்களுக்கான UPI-இணைக்கப்பட்ட ASBA மாதிரியே, காப்பீட்டு நிறுவனமும் அதன் காப்பீட்டு ஒப்பந்தத்தை முடிக்கும்வரை, அதாவது, தனிநபரின் உடல்நலம், வருமானம் மற்றும் பிற காரணங்களின் இடர் மதிப்பீடு மற்றும் பாலிசியை வழங்குவது அல்லது விண்ணப்பத்தை நிராகரிப்பது குறித்து முடிவெடுக்கும்வரை பிரீமியம் தொகை எடுக்கப்பட மாட்டாது.