சில கனடா பொருள்கள் மீது 50 சதவிகித வரியை விதித்து உத்தரவிட்டுள்ளார் அமெரிக்க அதிபர் ட்ரம்ப்.
கனடா மீது அமெரிக்கா சொல்லும் குற்றச்சாட்டு என்ன?
கனடா நாடு, அமெரிக்காவின் மோட்டார் வாகனங்கள் மற்றும் வாகன பாகங்கள் ஏற்றுமதிக்கு எதிராகப் பாகுபாடு காட்டியும், நியாயமற்ற மற்றும் சமமற்ற வரிகளை விதித்தும் அமெரிக்க வர்த்தகத்திற்குப் பாதிப்பை ஏற்படுத்தியுள்ளது.
இது பிற நாடுகளின் வர்த்தகத்தில் பின்பற்றப்படுவதில்லை… பிற நாடுகளின் வர்த்தகத்திற்குக் கூடுதல் சலுகைகளை வழங்கி வருகிறது கனடா.
இதனால், அமெரிக்க மோட்டார் வாகனங்கள் மீது கனடா விதித்துள்ள இந்தக் கட்டுப்பாடுகள் நியாயமற்றவை. இது அமெரிக்க வர்த்தகத்திற்குப் பாரத்தை ஏற்படுத்துகிறது.
ஒரு சட்டத்தின் படி…
கனடாவின் இந்தப் பாகுபாட்டிற்கு எதிராக அமெரிக்காவின் 1930-ஆம் ஆண்டின் சுங்கவரிச் சட்டம் அமல்படுத்தப்படுகிறது. இந்தச் சட்டத்தின் படி, அமெரிக்க வர்த்தகத்திற்கு எதிராக ஒரு வெளிநாடு காட்டும் பாகுபாடு அல்லது சமமற்ற கட்டுப்பாடுகளால் ஏற்படும் பாதிப்புகள் மற்றும் இழப்புகளை ஈடுகட்டுவதற்காக, அந்த வெளிநாட்டின் இறக்குமதிகள் மீது கூடுதல் வரிகளை விதிக்க அமெரிக்க அதிபருக்கு அதிகாரம் உள்ளது.
