உயர்கல்வித் தகுதியைக் கொண்ட 15 முதல் 24 வயதுக்குட்பட்ட இளைஞர்களின் வேலைவாய்ப்பின்மை விகிதம் இலங்கையில் சுமார் 43 சதவீதமாக உள்ளதாக சர்வதேச நாணய நிதியம் (IMF) வெளியிட்டுள்ள புதிய ஆய்வில் தெரிவிக்கப்பட்டுள்ளது.
ஆசிய நாடுகளுடன் ஒப்பிடுகையில் இது அதிகளவான விகிதமாகும்.
IMF-இன் ஆய்வின்படி, ஆசியாவில் உயர்கல்வித் தகுதியுடைய இளைஞர்கள் தங்களது கல்வித் தகுதிகளுக்கு பொருத்தமான வேலைவாய்ப்புகளைப் பெறுவதில் சிரமங்களை எதிர்கொள்கின்றனர்.
சர்வதேச நாணய நிதியம்
தெற்காசிய நாடுகளில் உயர்கல்வித் தகுதியுடைய இளைஞர்களின் வேலைவாய்ப்பின்மை விகிதம் பங்களாதேஷில் சுமார் 36 சதவீதமாக காணப்படுவதுடன், இலங்கையில் அது 43 சதவீதமாக உள்ளதாக IMF தெரிவித்துள்ளது.
உயர்கல்வியை நிறைவு செய்த இளைஞர்களின் திறன்களுக்கும் தொழிலாளர் சந்தையின் தேவைகளுக்கும் இடையிலான பொருத்தமின்மை இந்த நிலைமைக்கு முக்கிய காரணிகளில் ஒன்றாக இருப்பதாக IMF சுட்டிக்காட்டியுள்ளது.
மேலும், அடுத்த பத்து ஆண்டுகளில் வளர்ந்து வரும் மற்றும் அபிவிருத்தியடைந்து வரும் பொருளாதாரங்களைக் கொண்ட நாடுகளில் சுமார் 1.2 பில்லியன் இளைஞர்கள் தொழிலாளர் சந்தையில் இணைவார்கள் எனவும் IMF தெரிவித்துள்ளது.
அதேவேளை, புதிய வேலைவாய்ப்புகள் உருவாக்கப்படும் வேகம் இளைஞர்கள் தொழிலாளர் சந்தையில் இணையும் வேகத்துக்கு ஈடுகொடுக்காத நிலை காணப்படுவதாகவும் அந்த ஆய்வு சுட்டிக்காட்டியுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
