குளியாப்பிட்டி பகுதியில் போலிஸாருக்குக் கிடைத்த ரகசியத் தகவலின் அடிப்படையில் மேற்கொள்ளப்பட்ட அதிரடி சோதனையில், பெருந்தொகையான மோட்டார் சைக்கிள் சேஸிஸ் (chassis) மற்றும் இயந்திரங்கள் (engines) கைப்பற்றப்பட்டுள்ளன. குளியாப்பிட்டி கோட்டப் பொலிஸ் அத்தியட்சகர் ஜனக கருணாரத்னவின் மேற்பார்வையில் இந்தப் புலனாய்வு நடவடிக்கை மேற்கொள்ளப்பட்டது.
இந்தச் சோதனையின் போது, கொள்கலனுக்குள் (container) மறைத்து வைக்கப்பட்டிருந்த அதிக மதிப்புடைய 190 போத்தல் ஜப்பானிய மதுபானங்களையும் போலிஸார் கண்டுபிடித்தனர். இது தொடர்பாகச் சந்தேகநபர் ஒருவர் சம்பவ இடத்திலேயே கைது செய்யப்பட்டுள்ளார்.
ஜப்பானிலிருந்து மோட்டார் சைக்கிள் உதிரிபாகங்களை இறக்குமதி செய்வதாகக் கூறி, சட்டவிரோதமாக இந்தத் தடையுத்தரவு பெற்ற பொருட்கள் நாட்டுக்குள் கொண்டு வரப்பட்டதாக முதற்கட்ட விசாரணைகளில் தெரியவந்துள்ளது.
இந்த அதிரடி நடவடிக்கையானது விசேட அதிரடிப்படை (STF) மற்றும் கோட்டக் குற்றத்தடுப்புப் பிரிவு அதிகாரிகளின் உதவியுடன், உயர் பொலிஸ் அதிகாரிகளின் நேரடி மேற்பார்வையில் முன்னெடுக்கப்பட்டது. இந்தச் சம்பவம் குறித்து குளியாப்பிட்டி போலிஸார் மேலதிக விசாரணைகளைத் தொடர்ந்து மேற்கொண்டு வருகின்றனர்.
