பண்டிகைக் காலங்களில் சர்க்கரைத் தட்டுப்பாட்டைத் தவிர்க்கும் நோக்கில், மத்திய அரசு ஒரு முக்கிய முடிவை எடுத்துள்ளது. இதன்படி, சர்க்கரை ஆலைகள் அக்டோபர் மாதத்தில் உற்பத்தி செய்யப்படும் சர்க்கரையை, வழக்கமான ஒதுக்கீட்டிற்கு கூடுதலாக, அதே மாதத்திலோ அல்லது நவம்பர் மாதத்திலோ விற்பனை செய்து கொள்ள அனுமதிக்கப்பட்டுள்ளன. இந்த நடவடிக்கை சந்தையில் சர்க்கரை விநியோகத்தை அதிகரித்து, அதன் விலையைக் கட்டுக்குள் வைத்திருக்க உதவும் என்று எதிர்பார்க்கப்படுகிறது. பண்டிகைக் காலங்களில் நாடு முழுவதும் சர்க்கரை தடையின்றி கிடைப்பதை உறுதி செய்வதற்காகவே மத்திய அரசு இந்த முடிவை எடுத்துள்ளது. அக்டோபர் மாதத்தில் உற்பத்தி செய்யப்படும் சர்க்கரையை அக்டோபர் மற்றும் நவம்பர் மாதங்களில் விற்பனை செய்யலாம் என்று உணவு அமைச்சகம் வெள்ளிக்கிழமையன்று அனைத்து சர்க்கரை ஆலைகளுக்கும் அறிவுறுத்தல் வழங்கியுள்ளது.
