தமிழ்நாடு, புதுச்சேரி, மேற்குவங்கம், கேரளா, அசாம் உள்ளிட்ட 5 மாநிலங்களின் தேர்தலுக்குப் பிந்தைய கருத்துக் கணிப்பு முடிவுகள் இன்று மாலை 6 மணி முதல் நியூஸ் 18 தமிழ்நாடு தொலைக்காட்சியில் வெளியாகவுள்ளன. மேற்கு வங்கத்தில் இன்று இரண்டாம் கட்டத் தேர்தல் நடைபெற்று வருகிறது. மாலை 6 மணிக்கு தேர்தல் முடிவடையும் நிலையில், தேர்தலுக்குப் பிந்தைய கருத்துக் கணிப்புகள் வெளியாகவுள்ளன.
தமிழ்நாட்டை பொருத்தவரை திமுக கூட்டணி, என்.டி,ஏ கூட்டணி, நாம் தமிழர், தவெக என 4 முனைப் போட்டி நிலவுகிறது. யார், யாருக்கு எவ்வளவு இடங்கள், ஆட்சியை பிடிக்க யாருக்கு வாய்ப்பு என்பன உள்ளிட்ட பல்வேறு கருத்துக் கணிப்புகளின் முடிவுகள் சிறப்பு நேரலையாக ஒளிபரப்பாகவுள்ளன.
