Last Updated:
பனாமாவில் அடுத்தடுத்து ஏற்பட்ட இரண்டு சக்திவாய்ந்த நிலநடுக்கங்களால் கட்டடங்கள் இடிந்து தரைமட்டமாயின. மக்கள் வீதிகளில் தஞ்சமடைந்த நிலையில் மீட்புப் பணிகள் தீவிரமடைந்துள்ளன.
மத்திய அமெரிக்க நாடான பனாமாவில் அடுத்தடுத்து இரு நிலநடுக்கங்கள் ஏற்பட்டதால் கட்டடங்கள் இடிந்து தரைமட்டமாகின.
முதலில் 7 புள்ளி 6 ரிக்டர் அளவிலான சக்திவாய்ந்த நிலநடுக்கம் ஏற்பட்ட நிலையில் சிறிது நேரத்தில் 6 புள்ளி 6 ரிக்டர் அளவில் மற்றொரு நிலநடுக்கம் பதிவானதாக அமெரிக்க புவியியல் ஆய்வு மையம் தெரிவித்துள்ளது.
வெராகுவாஸ், ஹெரேரா மற்றும் லாஸ் சாண்டோஸ் மாகாணங்களில் நிலநடுக்கத்தால் கட்டடங்கள் இடிந்து தரைமட்டமாகின.
நிலநடுக்கத்தால் மக்கள் வீதிகளில் தஞ்சமடைந்தனர். இடிபாடுகளில் சிக்கியவர்களை மீட்கும் பணி துரிதப்படுத்தப்பட்டுள்ள நிலையில், அண்டை நாடான கொலம்பியா வரை நிலநடுக்கம் உணரப்பட்டதாக தெரிவிக்கப்பட்டுள்ளது.
