Last Updated:
“2008ல் எப்படி T20 ஆடியோம், 2024ல் எப்படி ஆடுகிறோம்—இதில் பெரும் வேறுபாடு உள்ளது. மைதானங்கள் மாறிவிட்டன, பந்தின் தன்மையும் மாறிவிட்டது, தற்போது அதிகம் ரன்கள் வருகிறது.
சென்னை அணியின் கேப்டனாக ருதுராஜ் கெய்க்வாட் நியமிக்கப்பட்டது குறித்து தோனி விவரித்துள்ளார். ஐபிஎல் தொடரையொட்டி ஜியோ ஹாட்ஸ்டாருக்கு அளித்த பேட்டியில் பல்வேறு சுவாரசிய தகவல்களை பகிர்ந்துள்ளார் தோனி.
பிராந்திய மொழி கமென்ட்ரியில் Bihari (Bhojpuri) மொழி கமெண்டரி குறித்து தோனி பகிர்ந்துகொண்ட போது கூறியதாவது:
“நான் அதிகமாக பிராந்திய மொழிகளில் கமெண்டரி கேட்கவில்லை, ஏனெனில் மொத்தமாக நேரலைப் பார்த்தால், மிகக் குறைவான ரிப்ளேகளே கிடைக்கும். ஆனால், பிஹாரி (போஜ்புரி) கமெண்டரி பழைய காலத்து வானொலி கமெண்டரியை நினைவுபடுத்துகிறது, அதில் கமெண்டேட்டர்கள் மிகவும் ஈடுபாட்டுடன் விளையாட்டை விவரிப்பார்கள். அது எனக்கு மிகவும் நன்றாக தோன்றுகிறது. எவரும் தங்கள் தாய்மொழியில் விளையாட்டைப் பார்க்க விரும்புவார்கள், அதில் ஒரு தனி உணர்வு இருக்கும்.”
ருதுராஜ் கெய்க்வாட் CSK அணியின் கேப்டன் ஆனதற்கான காரணம்:
“தீவிரமான திட்டமிடலே முக்கியம். பல ஆண்டுகளாக CSK அணியில் இருந்திருக்கிறான். அவருடைய மனநிலை அமைதியானது. அதை நாங்கள் கவனித்தோம், மற்றும் அவர் மற்றும் கோச்சிங் ஸ்டாஃப் நல்ல உடன்பாட்டில் இருந்தார்கள். IPL முடிந்தவுடன், ‘90% நீ அடுத்த ஆண்டு கேப்டன்’ என்று கூறிவிட்டேன். பலர் என்னை ‘பின்னணி கேப்டன்’ என்று கூறினார்கள், ஆனால் உண்மையில் 99% முடிவுகளை அவரே எடுத்தார். நான் அவருக்கு வழிகாட்டினேன், ஆனால் ஒவ்வொரு முக்கியமான முடிவுகளும் அவருடையதுதான். அவர் மிக சிறப்பாக இந்த பொறுப்பை ஏற்றுக் கொண்டார்.”
தனது கிரிக்கெட் முறையைத் தொடர்ந்து மாற்றிக்கொள்வதற்கான அவசியம் குறித்து தோனி கூறியதாவது-
“2008ல் எப்படி T20 ஆடியோம், 2024ல் எப்படி ஆடுகிறோம்—இதில் பெரும் வேறுபாடு உள்ளது. மைதானங்கள் மாறிவிட்டன, பந்தின் தன்மையும் மாறிவிட்டது, தற்போது அதிகம் ரன்கள் வருகிறது. அதேசமயம், பேட்ஸ்மேன்கள் புதிதாக முயற்சிக்கிறார்கள், நவீன ஷாட்களை முயற்சிக்கிறார்கள். எனக்கும் மாறித்தான் ஆட வேண்டும், இல்லையென்றால் விளையாட்டில் நிலைத்து நிற்க முடியாது.”
விராட் கோலியுடன் இருக்கும் உறவைப் பற்றி:
“விராட் எப்போதும் சிறப்பாக ஆட விரும்புவார், வெறும் 40-60 ரன்கள் எடுத்தால் திருப்தியடைய மாட்டார். அவர் தனது விளையாட்டை தொடர்ந்து மேம்படுத்தினார். ஆரம்பத்தில் அவர் ஒரு இளம் வீரராக இருந்தபோதும், எங்களுக்குள் மிக நேர்மையான உரையாடல்கள் நடந்தன. தற்போது இருவரும் கேப்டன் இல்லை, எனவே போட்டிகளுக்கு முன் நீண்ட நேரம் பேச முடிகிறது. ஒரு மூத்த மற்றும் இளைய வீரருக்குள் இருக்கும் மரியாதையும் நட்பும் எங்களுக்குள் உள்ளது.” என்று தெரிவித்தார்.
March 25, 2025 5:02 PM IST
