அந்த வகையில் இந்திய ரயில்வே பல நவீன வசதிகள் மற்றும் உயர் தொழில்நுட்பங்களை கொண்ட ரயில்களையும் அறிமுகப்படுத்தியுள்ளது மற்றும் ஏற்கனவே உள்ள பல ரயில்களை குறிப்பிடத்தகுந்த வசதிகளோடு மாற்றி அமைத்துள்ளது.
இந்த சூழலில் மும்பை-ஹைதராபாத் அதிவேக ரயில் (MHHSR) திட்டத்தை இந்திய ரயில்வே அறிமுகப்படுத்த உள்ளதாக கூறப்படுகிறது. இந்த திட்டம் செயல்பாட்டிற்கு வந்ததும், தற்போது 14-16 மணிநேரமாக இருக்கும் மும்பையிலிருந்து ஹைதராபாத் செல்லும் பயண நேரம் 3 மணி நேரமாக குறைக்கப்படும். அதாவது மும்பையிலிருந்து ஹைதராபாத்தை வெறும் 3 மணி நேரத்தில் அடைந்துவிட முடியும்.
மும்பை-ஹைதராபாத் அதிவேக ரயில் பாதை, பெரும்பாலும் “767 கி.மீ. புல்லட் ரயில்” என்று அழைக்கப்படுகிறது. இது வரவிருக்கும் நவி மும்பை சர்வதேச விமான நிலையம் உட்பட மும்பை, புனே மற்றும் ஹைதராபாத் உள்ளிட்ட 11 ஸ்டேஷன்களை இணைக்கும் ஒரு திட்டமாகும்.
இந்த அதிவேக ரயில் திட்டம் குறித்த சில முக்கிய விவரங்கள்:
இந்த அதிவேக ரயில் திட்டத்திற்கான கட்டுமானப் பணிகள் இன்னும் தொடங்கப்படவில்லை என்றாலும், ஆய்வுகள் மற்றும் சீரமைப்பு திட்டமிடல் பணிகள் தற்போது நடைபெற்று வருகின்றன. நாடு முழுவதும் திட்டமிடப்பட்டுள்ள 6 அதிவேக ரயில் பாதைகளில் இந்தத் திட்டமும் ஒன்றாகும்.
ஏற்கனவே மும்பை-அகமதாபாத் பாதை தொடங்கி உள்ளது குறிப்பிடத்தக்கது. இதனிடையே MHHSR செயல்பாட்டிற்கு வந்தவுடன் சுற்றுலாவை மேம்படுத்தும், நெரிசலைக் குறைக்கும் மற்றும் நாட்டில் ரயில் பயண தரங்களை மறுவரையறை செய்யும் என்று எதிர்பார்க்கப்படுகிறது.
Mumbai,Maharashtra
