Last Updated:
“நாடு முழுவதும் உணவுப் பொருள்களின் தரத்தை உறுதி செய்ய தொடர் நடவடிக்கைகள் மேற்கொள்ளப்படும்” – FSSAI
தரக்குறைபாடுடன் இருந்ததாக எவரெஸ்ட் நிறுவனத்தின் சீரகத் தூள் பாக்கெட்டுகளை சந்தையிலிருந்து திரும்பப் பெறுமாறு உணவுப் பாதுகாப்பு மற்றும் தர நிர்ணய ஆணையம் உத்தரவிட்டுள்ளது.
கோவாவில் உள்ள ரிவர்சைடு ரிசார்ட்ஸ் & ஹாலிடே ஹோம்ஸ் பிரைவேட் லிமிடெட் நிறுவனத்தின் வளாகத்திலிருந்து எடுக்கப்பட்ட எவரெஸ்ட்’ நிறுவனத்தின் பாக்கெட் சீரகத் தூள் மாதிரிகள் ஆய்வகப் பரிசோதனைக்கு உட்படுத்தப்பட்டன. அதில், அசோக்ஸிஸ்ட்ரோபின் (Azoxystrobin) மற்றும் தியாமெத்தாக்ஸாம் (Thiamethoxam) ஆகிய பூச்சிக்கொல்லி மருந்தின் மூலக் கூறுகள், பரிந்துரைக்கப்பட்ட அதிகபட்ச வரம்புகளை மீறி இருப்பது கண்டறியப்பட்டது.
இதையடுத்து, சம்பந்தப்பட்ட சீரகத் தூள் உற்பத்தி தொகுப்பை சந்தையிலிருந்து உடனடியாகத் திரும்பப் பெற அந்நிறுவனத்துக்கு உணவுப் பாதுகாப்பு மற்றும் தர நிர்ணய ஆணையம் உத்தரவிடப்பட்டுள்ளது. அது தொடர்பான அறிக்கையை சமர்ப்பிக்கவும் அறிவுறுத்தப்பட்டுள்ளது. நாடு முழுவதும் உணவுப் பொருள்களின் தரத்தை உறுதி செய்ய தொடர் நடவடிக்கைகள் மேற்கொள்ளப்படும் என்று உணவுப் பாதுகாப்பு மற்றும் தர நிர்ணய ஆணையம் தெரிவித்துள்ளது.
