(ரெ.மாலினி)
மலாக்கா:
மலாக்கா மாநிலத்தின் 16ஆவது சட்டமன்றத் தேர்தலில் பாரிசான் நேஷனல் , பக்காத்தான் ஹராப்பன் பிலாஸ், பெரிக்கத்தான் நேஷனல் ஆகிய கட்சிகள் தொகுதி பங்கீட்டில் உடன்பாடு எட்டத் தவறி, தனித்தனியாக போட்டியிட்டால், 28 மாநில சட்டமன்றத் தொகுதிகளில் சுமார் 100 வேட்பாளர்கள் களமிறங்கும் நிலை உருவாகலாம்.
இந்த எண்ணிக்கை, பாரிசான் ,பக்காதான் ஹரப்பன் மற்றும் பெரிக்காத்தான் நெசினல் ஆகிய மூன்று கூட்டணிகளும் 28 தொகுதிகளிலும் தலா ஒரு வேட்பாளரை நிறுத்தும் சாத்தியத்தை அடிப்படையாகக் கொண்டது.
இதனுடன், ஏற்கனவே பார்ட்டி பெர்சாமா மலேசியா சார்பில் 16 வேட்பாளர்கள் அறிவிக்கப்பட்டுள்ளனர்.
இதனால், மூன்று முக்கிய அரசியல் அணிகளும் தனித்தனியாக போட்டியிடும் சூழல் ஏற்பட்டால், இந்த மாநிலத் தேர்தல் பல்முனைப் போட்டி உருவாகும் வாய்ப்பு உள்ளது.
