இஸ்ரேலுக்கும் ஹிஸ்புல்லா அமைப்பிற்கும் இடையே மீண்டும் ஒரு புதிய போர்நிறுத்த உடன்பாடு எட்டப்பட்டுள்ள நிலையில் அதற்கு ஆதரவளிக்குமாறு தான் இஸ்ரேலை வற்புறுத்தியதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.
சர்வதேச ஊடகமொன்றிற்கு வழங்கிய நேர்காணல் ஒன்றிலேயே அவர் இதனைத் தெரிவித்துள்ளார்.
இதனடிப்படையில் தான் இஸ்ரேலிய தரப்புடன் பேசியதாகவும் இந்த போர்நிறுத்த உடன்பாட்டிற்கு ஒப்புக்கொள்ளுமாறு அவர்களை ஊக்குவித்ததாகவும் ட்ரம்ப் குறிப்பிட்டுள்ளார்.
இஸ்ரேலிய தரப்பு
எனினும் இஸ்ரேலிய பிரதமர் பெஞ்சமின் நெதன்யாகுவுடன் தான் நேரடியாகப் பேசினாரா என்பது குறித்துக் கூற அவர் மறுத்துள்ளார்.
இது ஒரு நேர்மறையான விஷயம் என்று குறிப்பிட்ட ட்ரம்ப், போரை முடிவுக்குக் கொண்டு வருவதற்காக அமெரிக்காவும் ஈரானும் கையெழுத்திட்டுள்ள புரிந்துணர்வு ஒப்பந்தத்தைக் குறிப்பிட்டு இது கேக்கில் வைக்கப்பட்ட ஒரு சிறிய ஐசிங் (A little icing on the cake) போன்றது என விவரித்துள்ளார்.
அத்தோடு இஸ்ரேலிய பிரதமர் நெதன்யாகுவுடனான தனது உறவு குறித்துப் பெருமிதம் வெளியிட்ட ட்ரம்ப், நான் எப்போதும் நெதன்யாகுவுடன் நல்ல உறவையே கொண்டுள்ளேன் எனத் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
