தமிழக அரசியல் வரலாற்றை மாற்றியமைத்த விஜய் – முந்தியடித்து வாழ்த்திய நாமல்

தமிழக தேர்தலில் வெற்றி பெற்றுள்ள தமிழக வெற்றிக்கழகத்தின் தலைவர் விஜய்க்கு நாடாளுமன்ற உறுப்பினர் நாமல் ராஜபக்ச வாழ்த்துக்களை தெரிவித்துள்ளார்.  

தனது உத்தியோகபூர்வ ‘எக்ஸ்’ சமூக வலைத்தளப் பக்கத்தில் வெளியிட்டுள்ள பதிவொன்றிலேயே நாமல் இதனைக் குறிப்பிட்டுள்ளார்.  

அவர் வெளியிட்ட பதிவில் மேலும் கூறியுள்ளதாவது,



சி. ஜோசப் விஜய்க்கு இந்த மகத்தான வெற்றிக்கு என் வாழ்த்துக்கள்! உண்மையான பணி இப்போதுதான் தொடங்குகிறது.

இலங்கையுடன் வலுவான உறவு

வரவிருக்கும் சவால்களை வென்று, மக்களுக்கு அர்த்தமுள்ள நன்மைகளை வழங்குவதற்கான வலிமையும் உறுதியும் உங்களுக்கும் உங்கள் குழுவினருக்கும் கிடைக்க வேண்டுமென நான் விரும்புகிறேன்.

மேலும், இரு நாட்டு மக்களையும் பாதிக்கும் விடயங்களில் இலங்கையுடன் ஒரு வலுவான மற்றும் நேர்மறையான உறவு உருவாகும் என்றும் நான் நம்புகிறேன்.

உங்களுக்கும் உங்கள் குழுவினருக்கும் எனது மனமார்ந்த நல்வாழ்த்துக்கள் என்று வாழ்தியுள்ளார்.