இந்திய ரயில்வே உலகின் மிகப்பெரிய ரயில்வே வலையமைப்புகளில் ஒன்றாகும். நாடு முழுவதும் கோடிக்கணக்கான பயணிகள் தினந்தோறும் ரயிலில் பயணம் செய்து வருகின்றனர். பயணச்சீட்டு முன்பதிவு செய்யும்போது, H1, H2, A1, B3 போன்ற குறியீடுகளை பார்த்திருப்பீர்கள். இவற்றை பார்த்து பலர் குழப்பமடைகின்றனர். ஆனால், நீங்கள் எந்த வகுப்பில் பயணிக்கிறீர்கள், எந்தப் பெட்டியில் பயணிக்கிறீர்கள் என்பதை இவை உங்களுக்கு கூறுகின்றன. இவற்றைப் புரிந்துகொள்வது உங்கள் பயணத்தை மிகவும் எளிதாக்கும். உங்கள் பயணச்சீட்டில் H1 என்று இருந்தால், நீங்கள் ஏசி முதல் வகுப்பு, அதாவது 1A பெட்டியில் முன்பதிவு செய்துள்ளீர்கள் என்று அர்த்தம். இது மெயில் மற்றும் எக்ஸ்பிரஸ் ரயில்களில் உள்ள மிகவும் பிரீமியம் வகுப்பாகும். இந்தக் குறியீட்டில், H என்பது முதல் ஏசி பெட்டியைக் குறிக்கிறது. அதற்குப் பின் வரும் எண், அந்தப் பெட்டி ரயிலில் எங்குள்ளது என்பதை குறிக்கிறது. உதாரணமாக, H1 என்பது முதல் ஏசியின் முதல் பெட்டியையும், H2 என்பது இரண்டாவது பெட்டியையும் குறிக்கிறது. H1 மற்றும் H2 ஆகியவை வெவ்வேறு பெட்டிகள், ஒரே பெட்டியின் வெவ்வேறு பகுதிகள் கிடையாது.
