24 மணி நேரமும் சிசிடிவி கேமரா மூலம் கண்காணிப்பு.. திருமணமான 48 நாட்களில் இளம்பெண் விபரீத முடிவு.. என்ன நடந்தது? | India News (இந்தியா செய்திகள்)

ஆரம்பத்தில் கணவன் மட்டும் தான் மாறியிருக்கிறார் என்று விசாகா நினைத்துள்ளார். ஆனால், மாமியார், கொழுந்தனார் என அனைவரும் கொடுமைப்படுத்தியுள்ளனர். நாட்கள் செல்ல செல்ல “வீட்டில் இருந்து கூடுதல் தங்க நகை வாங்கி வா, பணம் வாங்கி வா” என்று மாமியார் குடைச்சல் கொடுத்துள்ளார். ஆரம்பத்தில் இது சாதாரண பிரச்சனை தான் என நினைத்து இளம்பெண் அதை கடந்து சென்றுள்ளார். இருந்தபோதும் டாக்டர் கணவன் கொடுத்த டார்ச்சர் தாங்க முடியாமல் விபரீத முடிவு எடுக்கும் நிலைக்கே தள்ளப்பட்டுள்ளார்.

கட்டிய மனைவி 24 மணி நேரமும் தனது கண்காணிப்பிலேயே இருக்க வேண்டும் என்ற குறுகிய புத்தியால் வீட்டிற்கு உள்ளேயேயும், வெளியேயும் சிசிடிவி கேமராக்களை பொறுத்தியுள்ளார். அதன்மூலம் தொடர்ந்து மனைவியை கண்காணித்து தொட்டதெற்கெல்லாம் குறை கண்டுபிடித்து துன்புறுத்தியிருக்கிறார். அதிலும், ஆண்கள் யாருடனாவது பேசிவிட்டால் மனைவியை கண்மூடித்தனமாக தாக்கி காயப்படுத்தியுள்ளார். இரண்டு நாட்களுக்கு முன்பு பக்கத்து வீட்டில் உள்ள இளைஞருடன் ஏதே தகவல் கேட்பதற்காக பேசியுள்ளார்.

டாக்டர் மாப்பிள்ளை என்று தனது மகளை அதலபாதாளத்தில் தள்ளிவிட்டதை எண்ணி பெண் வீட்டார் ரத்தக் கண்ணீர் சிந்தியுள்ளனர். இதையடுத்து இரண்டு நாட்களில் அங்கிருந்து விசாகாவை அழைத்து வருவதாக உறுதியளித்துள்ளனர். அதற்குள், அவர் தூக்கிட்டு தற்கொலை செய்து கொண்டதாக கணவர் வீட்டில் இருந்து தகவல் வந்துள்ளது. அதைக் கேட்டு அவரின் பெற்றோர் அதிர்ச்சியில் உறைந்து போயுள்ளனர். பின்னர், தங்களது மகளை கொடுமைப்படுத்தியது குறித்து போலீசில் புகார் அளித்துள்ளனர்.

புகாரின்பேரில் இளம்பெண்ணை தற்கொலைக்கு தூண்டியதாக கணவர் நிதின், மாமியார் மற்றும் கொழுந்தனார் ஆகியோர் மீது போலீசார் வழக்குப்பதிவு செய்துள்ளனர். தொடர்ந்து நிதினை கைது செய்த போலீசார், தலைமறைவான மற்ற இருவரையும் பிடிக்க தேடுதல் வேட்டையில் இறங்கினர். கட்டிய மனைவியை 24 மணி நேரமும் சிசிடிவி மூலம் கண்காணித்து டார்ச்சர் செய்த டாக்டர் கணவரால், கடும் மன உளைச்சலுக்கு ஆளான இளம்பெண் திருமணமான 48 நாட்களுக்குள் தனது உயிரை மாய்த்துக்கொண்ட சம்பவம் மும்பையில் அதிர்ச்சியை ஏற்படுத்தியுள்ளது.