Last Updated:
கேரளா தேர்தலில் காங்கிரஸ் தலைமையிலான யு.டி.எஃப் 98 இடங்களில் முன்னிலை.
கேரளாவில் காங்கிரஸ் தலைமையிலான யு.டி.எஃப். முன்னிலையில் இருந்துவருகிறது.
தமிழ்நாடு, கேரளா உள்ளிட்ட ஐந்து மாநிலங்களில் பதிவான வாக்குகள் எண்ணப்பட்டு முன்னிலை விவரங்கள் அறிவிக்கப்பட்டுவருகின்றன. தமிழ்நாட்டில் தவெக 100 இடங்களை கடந்து முன்னிலை வகித்துவரும் நிலையில், கேரளாவில் காங்கிரஸ் தலைமையிலான யு.டி.எஃப். கூட்டணி முன்னிலை வகித்து வருகிறது.
மொத்தம் 140 தொகுதிகள் கொண்ட கேரளாவில் ஆட்சி அமைக்க தேவையான பெரும்பான்மை இடங்கள் 71. கேரளாவில் காங்கிரஸ் தலைமையிலான யு.டி.எஃப் மற்றும் சிபிஐ தலைமையிலான எல்.டி.எஃப். கூட்டணிக்கும் இடையே போட்டி நிலவியது.
இந்நிலையில், தேர்தலுக்கு பிந்தைய கருத்துக் கணிப்புகள் காங்கிரஸ் தலைமையிலான கூட்டணி ஆட்சி அமைக்கும் என கணித்திருந்தன. அதற்கு ஏற்றார்போல், காங்கிரஸ் தலைமையிலான யு.டி.எஃப் 98 இடங்களில் முன்னிலை வகித்து வருகிறது.
இதன் மூலம் கடந்த 10 வருடங்களாக ஆட்சியில் இருந்துவந்த பினராயி விஜயனின் எல்.டி.எஃப். ஆட்சியை இழக்கும் சூழல் இருந்துவருகிறது.
May 04, 2026 12:06 PM IST
