பத்து பஹாட்: ஸ்ரீ காடிங் நாடாளுமன்ற உறுப்பினர் அமினோல்ஹுடா ஹாசனின் பல்நோக்கு வாகனம், அவரது நாடாளுமன்ற சேவை மையத்தில் அடையாளம் தெரியாத ஒரு நபரால் சேதப்படுத்தப்பட்டிருக்கிறது. சனிக்கிழமை (மே 10) காலை 11 மணியளவில் தனது சேவை மையத் தலைமை அதிகாரியிடமிருந்து தனது 12ஆவது பேரக்குழந்தை பிறந்ததை வரவேற்ற பிறகு, தனக்கு இந்த மோசமான செய்தி கிடைத்ததாக அமினோல்ஹுடா கூறினார்.
இந்த பழைய MPVயின் நிலை என்ன? 13ஆவது பொதுத் தேர்தலில் நான் பாரிட் யானி மாநிலத் தொகுதியில் வெற்றி பெற்றதிலிருந்து, எனது அலுவலக ஊழியர்களின் பயன்பாட்டிற்காக இந்த கார் என் மனைவியால் நன்கொடையாக வழங்கப்பட்டது என்று ஞாயிற்றுக்கிழமை (மே 11) தொடர்பு கொண்டபோது அவர் கூறினார்.
ஜோகூர் பக்காத்தான் ஹராப்பான், மாநில அமானா தலைவருமான அமினோல்ஹுடா, வாகனத்தின் பின்புற கண்ணாடியை உடைத்து, முன் கண்ணாடியில் பல விரிசல்களை ஏற்படுத்தியதால், MPVக்கு ஏற்பட்ட சேதம் ஆயிரக்கணக்கான ரிங்கிட் மதிப்புடையது என்று கூறினார். MPV முழுவதும் 17 இடத்தில் சேதத்தை ஏற்படுத்த ஒரு சுத்தியலைப் பயன்படுத்தி இருக்கின்றனர். அதில் இரண்டு பக்க கண்ணாடிகள் மற்றும் பின்புற விளக்குகள் உடைக்கப்பட்டன என்று அவர் கூறினார்.
2013 – 2022 க்கு இடையில் தனது குழந்தைகள் பாரிட் யானி மாநிலத் தொகுதியில் உள்ள மக்களுக்கு MPV பல நினைவுகளை கொண்டிருக்கிறது என்று அவர் மேலும் கூறினார். நான் ஸ்ரீ காடிங் நாடாளுமன்ற உறுப்பினராக தேர்ந்தெடுக்கப்பட்டபோது இங்கு மக்கள் நலனை நிர்வகிக்க MPV ஐ தொடர்ந்து பயன்படுத்த முடிவு செய்தோம்,” என்று அவர் கூறினார். தனது அலுவலகம் இந்த விஷயம் தொடர்பாக புகாரினை தாக்கல் செய்துள்ளதாகவும், பொறுப்பானவர்களைக் கண்டறிய விசாரணை நடத்துமாறு காவல்துறையை வலியுறுத்தியுள்ளது என்றும் அமினோல்ஹுடா மேலும் கூறினார்.
