Last Updated:
வெனிஸ் நகரத்தில் 61-வது 61-வது சர்வதேச கலைக் கண்காட்சி (La Biennale di Venezia) நடைபெற்று வருகிறது.
வெனிஸ் நகரத்தில் 61-வது 61-வது சர்வதேச கலைக் கண்காட்சி (La Biennale di Venezia) நடைபெற்று வருகிறது. இதில் நீடா முகேஷ் அம்பானி கலாச்சார மையத்தின் (NMACC) சார்பில் இரவு உணவு விருந்து ஏற்பாடு செய்யப்பட்டது. இதில் முகேஷ் அம்பானியின் மனைவி நீடா அம்பானி மற்றும் மகள் இஷா அம்பானி கலந்துகொண்டனர்.
வரலாற்றுச் சிறப்புமிக்க ‘Scuola Grande della Misericordia’-வில் நடைபெற்ற இந்த நிகழ்வில் உலகளாவிய கலை, கலாச்சாரம் மற்றும் ஃபேஷன் துறைகளைச் சேர்ந்த முன்னணி ஆளுமைகள் கலந்துகொண்டனர். இந்நிகழ்வில் கலாச்சாரங்களுக்கு இடையிலான பல்வேறு விஷயங்கள் குறித்து பேசப்பட்டது. கடந்த காலம் மற்றும் நிகழ்கால மரபுகள் குறித்தும் விவாதிக்கப்பட்டது.
கலைபடைப்புகளை உருவாக்கும் படைப்பாளிகளை பாராட்டும் வகையில், இந்த நிகழ்வு அமைந்தது. இந்தியாவின் ஆக்கப்பூர்வமான வெளிப்பாடுகள் உலகின் மிக சிறந்த மேடைகளில் ஒளிர வேண்டும் என்பது நீடா அம்பானியின் நீண்ட கால தொலைநோக்கு பார்வை. இதை சாத்தியமாக்கிய மேடையாகவும் இந்த நிகழ்வு அமைந்தது.
உலகின் மிக முக்கியமான கலை நிகழ்வுகளில் ஒன்றான ‘வெனிஸ் பைனாலே’ கண்காட்சியில், இந்தியக் கலையின் பரிணாம வளர்ச்சி மற்றும் உலக நாடுகளுடன் இந்தியா கொண்டுள்ள கலாச்சார உறவுகள் குறித்து இஷா அம்பானி நேற்று பேசியிருந்தது குறிப்பிடத்தக்கது.
