விடிந்ததும் வந்த ஈமெயில்.. 1000 பேர் திடீர் பணிநீக்கம்.. Netflix அறிவிப்பால் அதிர்ந்த ஊழியர்கள்! | Netflix Fires 1,000 Employees via Wednesday Morning Email: Tech and Product Teams Hardest Hit

அமெரிக்காவில் புதன்கிழமை காலை விடிந்ததும் உலகிலேயே மிகப்பெரிய OTT தளமாக விளங்கும் நெட்பிளிக்ஸ் சுமார் 1000 ஊழியர்களை பணிநீக்கம் செய்வதற்கான ஈமெயிலை அனுப்பி இந்நிறுவன ஊழியர்களை அதிரவைத்துள்ளது.

உலகம் முழுவதும் டெக் நிறுவனங்கள் அடுத்தடுத்து பணிநீக்கம் செய்தும் வேளையில் தொடர்ந்து வாடிக்கையாளர்களையும், பார்வை நேரத்தையும் இழந்து வரும் நெட்பிளிக்ஸ் தனது நிதி ஆதாரத்தையும், ஊழியர்களையும் மேம்பட்ட முறையில் நிர்வாகம் செய்ய வேண்டும் என்ற காரணத்தால் 1000 ஊழியர்களை பணிநீக்கம் செய்துள்ளது.

நெட்பிளிக்ஸ் 2022ஆம் ஆண்டு பணிநீக்கத்தைத் தொடர்ந்து தற்போது பணிநீக்கம் செய்யத் துவங்கியுள்ளது. கொரோனா காலத்தில் நெட்பிளிக்ஸ் நிறுவனத்தின் வர்த்தகமும், பார்வை நேரம், சப்ஸ்கிரைபர்ஸ் எண்ணிக்கை அனைத்தும் படுவேகமாக உயர்ந்த நிலையில் அதிகளவிலான ஊழியர்களை பணியில் சேர்ந்தது.

ஆனால் கொரோனாவுக்கு பின்பு அனைத்தும் தலைகீழாக மாறிய காரணத்தால் நெட்பிளிக்ஸ் 2 முறை அதாவது 2022ஆம் ஆண்டு மே மற்றும் ஜூன் மாதங்களில் சுமார் 500 பேரை பணிநீக்கம் செய்தது. இதைத் தொடர்ந்து தற்போது 1000 பேர் அதாவது நிறுவனத்தின் மொத்த ஊழியர்கள் எண்ணிக்கையில் சுமார் 6 சதவீதம் பேரை பணியில் இருந்து நீக்கியுள்ளது என வால் ஸ்ட்ரீட் ஜர்னல் தெரிவித்துள்ளது.