வாக்குக்கு பணம் கொடுக்க பாஜக முயற்சி! சிக்கிய லட்சங்கள்! – News18 தமிழ்

மகாராஷ்டிரா மாநிலம், நலசோபரா தொகுதியில் பாஜக சார்பாக ராஜன் நாயக் போட்டியிடுகிறார். இவரும், பாஜக தேசிய செயலாளர் வினோத் தாவ்டே ஆகிய இருவரும் விரார் பகுதியில் உள்ள ஒரு ஓட்டலில் இருந்தனர். அப்போது அங்கு வந்த பகுஜன் விகாஸ் அகாடி கட்சியின் தலைவர் பிரசாந்த் ராவத் அவரது கட்சியினருடன் அந்த ஓட்டலுக்கு சென்றார்.

அதனைத் தொடர்ந்து பாஜகவின் தேசியச் செயலாளர் வினோத் தாவ்டே வாக்காளர்களுக்கு பணம் கொடுக்க வந்துள்ளார். அவரிடம் ரூ. 5 கோடி உள்ளது என்று பகிரங்க குற்றச்சாட்டை வைத்தார். அதனைத் தொடர்ந்து அங்கு பரபரப்பு ஏற்பட்டது. பிரசாந்த் ராவத் மற்றும் அவரது கட்சியினர் வினோத் தாவ்டேவை மடக்கி அவரிடம் வாக்குவாதத்திலும் ஈடுபட்டுள்ளனர்.

அதன்பிறகு அங்கிருந்த ஒரு பையை எடுத்து அதில் இருந்து பண கட்டை தூக்கி பகிரங்கமாக வெளியே காட்டினர். இதற்குள்ளாக இந்தத் தகவல் காவல் துறைக்கும் சென்றுள்ளது. அதேபோல், மாவட்ட ஆட்சியரும், தேர்தல் அதிகாரியுமான கோவிந்த் போட்கேவுக்கும் சென்றுள்ளது. இது தொடர்பாக தற்போது போலீஸார் வழக்குப் பதிவு செய்து விசாரணை நடத்திவருகின்றனர்.

தற்போது பகுஜன் விகாஸ் அகாடி கட்சியினர், பாஜக தேசியச் செயலாளரிடம் இருந்து பணம் எடுத்து காட்டும் வீடியோ காட்சிகள் சமூகவலைதளங்களில் வைரலாகிவருகிறது.

இந்த விவகாரம் குறித்து பேசிய பாஜக தேசியச் செயலாளர் வினோத் தாவ்டே, “நான் இங்கு தேர்தல் தொடர்பாக ஆலோசனை வழங்கவே வந்தேன் பணம் கொடுக்க வரவில்லை” என்று தெரிவித்துள்ளார்.

இதையும் படியுங்கள் :
Jharkhand Elections 2024 Phase 2: தேர்தலுக்கு பிந்தைய கருத்துக் கணிப்பு எப்போது வெளியாகும்?

அதேசமயம், பகுஜன் விகாஸ் அகாடி தலைவர் பிரசாந்த் ராவத், “பாஜக தலைவர் ஒருவர் கொடுத்த தகவலின் படி தான் நான் இங்கே வந்தேன். அவர் தான் திவாடே வாக்காளர்களுக்கு பணம் கொடுக்க வந்துள்ளார் எனும் தகவல் கொடுத்தார். ஒரு தேசியச் செயலாளர் இப்படியான விஷயங்களை செய்வார் என நான் நம்பவில்லை. ஆனால், இங்கு வந்தபிறகு தான் அது உண்மை என்பது தெரியவந்தது” என்று தெரிவித்தார்.

மாவட்ட ஆட்சியரும், தேர்தல் நடத்தும் அதிகாரியுமான கோவிந்த் போட்கே, “தேர்தல் ஆணையத்திற்கு இது தொடர்பாக புகார் வந்தது. அதனைத் தொடர்ந்து நலசோபரா பகுதி காவல்துறையினர், இணை போலீஸ் கமிஷனர் மற்றும் இரு துணை போலீஸ் கமிஷனர் ஆகியோர் சம்பந்தப்பட்ட ஓட்டலுக்கு சென்று ஆய்வு செய்தனர். அங்கு ரூ. 9.93 லட்சம் பறிமுதல் செய்யப்பட்டுள்ளது. அதேபோல், சில ஆவணங்களும் பறிமுதல் செய்யப்பட்டுள்ளது” என்று தெரிவித்தார்.

BJP के राष्ट्रीय महासचिव विनोद तावड़े महाराष्ट्र के एक होटल में पैसे बांटते हुए पकड़े गए हैं।

विनोद तावड़े बैग में भरकर पैसे लेकर गए थे और वहां पर लोगों को बुला-बुलाकर पैसे बांट रहे थे।

ये खबर जब जनता को पता चली तो भारी हंगामा हो गया। पैसों के साथ विनोद तावड़े के कई वीडियो… pic.twitter.com/iqbMcGJtyQ

— Congress (@INCIndia) November 19, 2024

மகாராஷ்டிராவில் நாளை தேர்தல் நடக்க இருக்கும் சூழலில் இன்று பாஜகவினர் பணம் கொடுக்க முற்பட்டதாக வெளியாகியுள்ள குற்றச்சாட்டும், வீடியோவும் பெரும் பரபரப்பை ஏற்படுத்தியுள்ளது.

.