Last Updated:
வடகொரியா அதிபர் உயிரிழந்துவிட்டதாக வெளியான வதந்திக்கு முற்றுப்புள்ளி வைக்கப்பட்டுள்ளது.
வடகொரிய அதிபர் கிம் ஜாங் உன் உயிரிழந்ததாக வதந்தி பரவிய நிலையில், அவரது புதிய புகைப்படங்களை அந்நாட்டு ஊடகம் வெளியிட்டுள்ளது.
மூளையில் ரத்த கசிவு ஏற்பட்டு வடகொரிய அதிபர் கிம் ஜாங் உன் உயிரிழந்ததாக சீன ஜனநாயக கட்சியின் தலைவரான வான்ஜூன் ஷி (Wanjun Xie) தனது எக்ஸ் பக்கத்தில் பதிவிட்டு இருந்தார். குறிப்பாக, சீனாவில் உள்ள பெக்கிங் மருத்துவக் கல்லூரி மருத்துவர்கள் கிம் ஜாங் உன்னை பரிசோதித்ததாகவும், அவரது உடல்நிலை மோசமாக இருந்ததால் பெய்ஜிங் மருத்துவமனைக்கு அழைத்து சென்றதாகவும் கூறப்பட்டுள்ளது.
வட கொரிய அதிபர்
ஆனால், அவர் சிகிச்சை பலனின்றி உயிரிழந்ததாகவும், கிம் ஜாங் உன் உடல் வடகொரியாவிற்கு கொண்டு செல்லப்பட்டதாகவும் வான்ஜூன் ஷி குறிப்பிட்டு இருந்தார்.
மேலும், கிம் ஜாங் உன்னின் சகோதரி கிம் யோ ஜோங் (Kim Yo-jong)அந்நாட்டு தலைவராக தேர்வானதாகவும், அரியணை மாற்றத்தின் போது எவ்வித அசம்பாவிதமும் நேராமல் இருக்க 9,000 சீன வீரர்கள் பாதுகாப்பிற்கு அனுப்பி வைக்கப்பட்டதாகவும் கூறி இருந்தார். இந்நிலையில், வட கொரிய அதிபர் கிம் ஜாங் உன், அவரது மகள் கிம் ஜூ ஏ (Kim Ju-ae) உடன் ஆடைக் கண்காட்சியை பார்வையிடும் புகைப்படத்தை அந்நாட்டு ஊடகம் வெளியிட்டுள்ளது. இதன் மூலம், வடகொரியா அதிபர் உயிரிழந்து விட்டதாக வெளியான வதந்திக்கு முற்றுப்புள்ளி வைக்கப்பட்டுள்ளது.
