லெபனான் மீது இஸ்ரேல் கொடூர தாக்குதல்.. 274 பேர் பலி… 1000 பேர் காயம்

இஸ்ரேல் – பாலஸ்தீன் ஹமாஸ் போர் நடந்துவரும் நிலையில், ஹமாஸுக்கு ஆதரவாக லெபனானின் ஆயுதக்குழுவான ஹிஸ்புல்லா இஸ்ரேல் மீது அவ்வப்போது தாக்குதல் நடத்தி வருகிறது. இதற்கு இஸ்ரேல் பிரதமர் பெஞ்சமின் நெதன்யாகு ஹிஸ்புல்லாவுக்கும் லெபனானுக்கும் எச்சரிக்கையும் விடுத்திருந்தார். இந்நிலையில், கடந்த 17ம் தேதி மாலை 4 மணியளவில் லெபனானில், ஹிஸ்புல்லா அமைப்பினர் பயன்படுத்திவந்த 1000 பேஜர்கள் அடுத்தடுத்து வெடித்தது. இதில், 12 பேர் பலியானர், 2800 பேர் காயமுற்றனர்.

இந்த தாக்குதலில் குறிப்பாக, ஈரான் தூதர் முஜூதாபா அமானி காயமடைந்தார். அதேபோல், ஹிஸ்புல்லா பிரதிநிதி அலி அம்மாரின் மகன் கொல்லப்பட்டார். முதலில் இந்த விபத்து எப்படி நடந்தது என தெரியாமல் இருந்த நிலையில், இஸ்ரேல் உளவு அமைப்பான மொசாட் இந்த சதித்திட்டத்தை தீட்டியிருக்கலாம் என குற்றச்சாட்டு எழுந்தது.

பேஜர்களை தயாரிக்கும் போதே, இஸ்ரேல் உளவாளிகளின் உதவியுடன் அதில் வெடிபொருள் வைக்கப்பட்டிருக்கலாம் எனவும், ஸ்கேனர் உள்ளிட்ட எந்த கருவியாலும் கண்டுபிடிக்க முடியாத அளவுக்கு அது வடிவமைக்கப்பட்டிருந்ததாகவும் சொல்லப்பட்டு வருகிறது. அதேபோல், ரகசிய குறியீடு மூலம் பிசிபி போர்டு இயங்க தொடங்கிய சில நொடிகளில் வெடிமருந்து பேட்டரியுடன் சேர்ந்து வெடிக்கும் வகையில் தயார் செய்யப்பட்டிருந்ததாக கூறப்பட்டது.

அதிகபட்ச ஆரோக்கிய நன்மைகளைப் பெற சியா விதைகளை எப்படி குடிக்க வேண்டும்.?
மேலும் செய்திகள்…