உக்ரைன் அரசாங்கத்தின் ஆதரவு பெற்ற ‘நான் வாழ விரும்புகிறேன்’ (I Want to Live) என்ற திட்டம், உயிரிழந்த இராணுவ வீரர்களின் உடல்களைத் திருப்பி அனுப்பும் நடவடிக்கையின் போது இலங்கையைச் சேர்ந்த ரோகன் குமார் சுடி என்பவரின் உடல் ரஷ்யாவிற்கு மாற்றப்பட்டதாக இன்று (22 ) தெரிவித்தது.
சுடி, ரஷ்யாவின் ஆயுதப் படைகளில் ஒரு போர் வீரராகப் பணியாற்றியதாகவும், அதனால் அவரது உடல் ரஷ்யத் தரப்பிடம் ஒப்படைக்கப்பட்டதாகவும் அந்தத் திட்டம் கூறியது.
இலங்கை ரஷ்யாவிடம் இருந்து உடலைத் திரும்பப் பெற வேண்டும்
இலங்கை இப்போது ரஷ்யாவிடம் இருந்து உடலைத் திரும்பப் பெறுமாறு முறையாகக் கோர வேண்டும் என்றும் அது மேலும் கூறியது.
‘
நான் வாழ விரும்புகிறேன்’ திட்டத்தின்படி, ரஷ்ய அதிகாரிகள் பொதுவாக தங்கள் இராணுவத்தில் பணியாற்றும் போது கொல்லப்பட்ட வெளிநாட்டுப் பிரஜைகளின் உடல்களை அவர்களின் சொந்த நாடுகளுக்குத் திருப்பி அனுப்ப ஏற்பாடு செய்வதற்குப் பதிலாக, அவர்களைப் புதைக்கிறார்கள் அல்லது தகனம் செய்கிறார்கள்.
சுடியின் உடல் ஒப்படைக்கப்பட்ட அதே நாளில், உக்ரைனிய இராணுவ வீரர்கள் என ரஷ்யா அடையாளம் காட்டிய 252 பேரின் உடல்களை உக்ரைன் பெற்றுக்கொண்டது. அவர்களின் அடையாளங்கள் இன்னும் பரிசோதனை மூலம் உறுதிப்படுத்தப்படவில்லை.
275 இலங்கையர் பலி
இதேவேளை உக்ரைனுக்கு எதிரான போரில் ரஷ்யாவுக்காகப் போரிட்ட இலங்கை நாட்டவர்களில் குறைந்தது 275 பேர் கொல்லப்பட்டுள்ளனர் என்று ‘`ஹிமால் சவுத் ஏசியன்’ (Himal Southasian) இதழின் அறிக்கை ஒன்று தெரிவிக்கிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
