காவல்துறையினரின் கூற்றுப்படி, அந்த மூவரும் பள்ளிக்குச் சென்று கொண்டிருந்தபோது, ஈப்போவின் தம்புன் பகுதியில் அவர்கள் சென்ற மோட்டார் சைக்கிளும் ஒரு காரும் மோதிக்கொண்டன.
இன்று காலை நடந்த விபத்தைத் தொடர்ந்து அந்தப் பெண்களின் மோட்டார் சைக்கிள்
இன்று பேராக்கின் ஈப்போ, தம்புன் பகுதியில் உள்ள தாமான் பெர்பாதுவான் ரியாவில் மோட்டார் சைக்கிளும் காரும் மோதிய விபத்தில் இரண்டு பள்ளி மாணவிகள் உயிரிழந்ததுடன், மற்றொரு மாணவி படுகாயமடைந்தார்.
இந்த விபத்து தொடர்பாக காலை சுமார் 7.20 மணியளவில் தம்புன் தீயணைப்பு மற்றும் மீட்பு நிலையத்திற்கு தகவல் கிடைத்ததாக பெரிட்டா ஹரியான் செய்தி வெளியிட்டுள்ளது.
பேராக் தீயணைப்பு மற்றும் மீட்புத் துறையின் செயல்பாட்டுப் பிரிவு உதவி இயக்குநர் சபரோட்ஸி நோர் அஹ்மத் கூறுகையில், மூன்று மாணவிகளும் பள்ளிக்குச் சென்று கொண்டிருந்தனர்.
“சுகாதார அமைச்சின் அதிகாரி ஒருவர் சம்பவ இடத்திலேயே இரண்டு மாணவிகள் உயிரிழந்ததாக உறுதிப்படுத்தினார். மூன்றாவது மாணவி படுகாயமடைந்திருந்தார்,” என்று அவர் கூறினார்.
காயமடைந்த மாணவிக்கு அவசர மருத்துவ மீட்புச் சேவை அதிகாரி முதலுதவி அளித்த பின்னர், மேலதிக சிகிச்சைக்காக மருத்துவமனைக்கு அனுப்பி வைக்கப்பட்டார்.
