மலேசிய பாஸ்போர்ட் விவரங்களை வழங்கி கணக்குகளைத் திறக்க சம்மதிப்பவர்களுக்கு இந்த கும்பல் ரிம 500 வழங்கியதாகக் காவல்துறை தெரிவித்துள்ளது.
பேரக் மாநிலக் காவல் துறைத் தலைவர் அல்வி ஜைனல் அபிதீன், இந்தச் சட்டவிரோதக் கும்பல் உள்ளூர்வாசிகளின் தனிப்பட்ட விவரங்களைப் பயன்படுத்தி சுமார் 60 அலிபே (Alipay) கணக்குகளைத் திறந்திருந்ததாகக் கூறினார்.
மலேசிய பாஸ்போர்ட் விவரங்களைப் பயன்படுத்தி அலீபே (Alipay) கணக்குகளைத் தொடங்கி, சீனப் பிரஜைகளை இலக்கு வைத்து நடத்தப்பட்ட இணையவழி சூதாட்ட மோசடிப் பணத்தைப் பெற்று பரிமாற்றம் செய்த சிண்டிகேட்டை (கூட்டுக் கும்பலை) சேர்ந்தவர்கள் என சந்தேகிக்கப்படும் 13 பேரை காவல்துறை கைது செய்துள்ளது.
செப்டம்பர் 28-ஆம் தேதி பேராக், தெலுக் இந்தானில் நடத்தப்பட்ட இரு வேறு சோதனைகளில் 20 முதல் 44 வயதுக்குட்பட்ட ஐந்து மலேசியர்கள் மற்றும் எட்டு மியான்மர் பிரஜைகள் உட்பட 13 சந்தேக நபர்கள் கைது செய்யப்பட்டதாக பேராக் காவல்துறைத் தலைவர் அல்வி ஜைனல் அபிடின் தெரிவித்தார்.
கைது செய்யப்பட்டவர்கள் இந்தக் கும்பலின் தலைவர்களாகவும், அலீபே கணக்குகளைப் பராமரிக்கும் முகவர்களாகவும் செயல்பட்டதாக நம்பப்படுகிறது.
இன்று ஹிலிர் பேராக் காவல்துறை தலைமையகத்தில் செய்தியாளர்களிடம் பேசிய அல்வி, சீனப் பிரஜைகளை இலக்கு வைத்து நடத்தப்பட்ட இணையவழி சூதாட்ட மோசடிப் பணத்தைப் பரிமாற்றம் செய்யும் முகவர்களாக இக்கும்பல் செயல்பட்டது விசாரணையில் தெரியவந்துள்ளது.
அலீபே கணக்குகளைத் திறக்க தங்கள் மலேசிய பாஸ்போர்ட் விவரங்களை வழங்க முன்வருபவர்களுக்கு ரிம 500 வழங்கி, மொபைல் போன்கள் மூலம் முக ஸ்கேன் (facial scan) செய்யும் முறையை இவர்கள் பயன்படுத்தியுள்ளனர் என்று பெர்னாமா செய்தி நிறுவனத்திடம் தெரிவித்தார்.
ஜூலை பாதியிலிருந்து இயங்கி வருவதாக நம்பப்படும் இக்கூட்டுப் கும்பல், உள்ளூர்வாசிகளின் தனிப்பட்ட விவரங்களைப் பயன்படுத்தி சுமார் 60 அலீபே கணக்குகளைத் தொடங்கியுள்ளது.
ஒவ்வொரு பரிவர்த்தனையிலும் 2% கமிஷன் ஈட்டியதன் மூலம், தினமும் சுமார் ரிம 2,000 வரை இவர்கள் வருமானம் ஈட்டியதாகக் கூறப்படுகிறது.
இந்தச் சோதனைகளின் போது 65 மொபைல் போன்கள், ஒரு மடிக்கணினி, எட்டு மலேசிய பாஸ்போர்ட்டுகள், 71 சிம் கார்டுகள் மற்றும் ஒரு எஸ்டபிள்யூ (SUV) காரை காவல்துறை பறிமுதல் செய்தது.
மற்றொரு சம்பவம்;
செவ்வாய்க்கிழமை பிடோர் (Bidor) பகுதியிலுள்ள எரிபொருள் நிரப்பு நிலையத்தில் 41 வயது தொழிலதிபர் சுடப்பட்ட சம்பவத்தில், கும்பல் மோதலுக்குத் (gang involvement) தொடர்பிருக்கலாம் என்ற சாத்தியக்கூறை காவல்துறை நிராகரிக்கவில்லை என்று அல்வி கூறினார்.
“எந்தவொரு முடிவிற்கும் வருவதற்கு முன் முழுமையான விசாரணை நடத்தப்படும்,” என்று கூறிய அவர், பாதிக்கப்பட்ட நபர் உட்பட 10 சாட்சிகளிடம் காவல்துறை வாக்குமூலம் பதிவு செய்துள்ளதாகச் சேர்த்துக் கூறினார்.
பிடோர், சுங்கை சிப்புட் மற்றும் தாப்பா ஆகிய பகுதிகளைச் சுற்றி உணவகம் மற்றும் பல தொழில்களை நடத்தி வரும் பாதிக்கப்பட்ட நபரின் வாகனத்தை நோக்கி மாலை 6 மணியளவில் இரண்டு நபர்கள் துப்பாக்கிச் சூடு நடத்தியதில், அவரது இடது தோள்பட்டையில் காயம் ஏற்பட்டது.
மருத்துவமனையில் அறுவை சிகிச்சை செய்து கொண்ட அவர், தற்போது சீரான நிலையில் உள்ளார்.
