இன்று நடைபெற்று வரும் ஒருநாள் போட்டியில் டாஸ் வென்ற இங்கிலாந்து அணி பேட்டிங்கை தேர்வு செய்தது. தொடக்க வீரர்களாக களமிறங்கிய பிலிப் சால்ட் மற்றும் பென் டக்கெட் ஜோடி அதிரடியான ஆட்டத்தை வெளிப்படுத்தி அணிக்கு சிறப்பான தொடக்கத்தை கொடுத்தது.
எனினும், 8.5 ஓவர்களில் 75 ரன்கள் எடுத்திருந்த போது பிலிப் சால்ட் விக்கெட்டை இழந்தார். அவர் 26 பந்துகளில் 3சிக்சர்கள், 5 பவுண்டரிகள் உட்பட 43 ரன்கள் குவித்தார். அவரைத் தொடர்ந்து பென் டக்கெட் 32 ரன்களில் ஆட்டமிழந்தார்.
பின்னர் களமிறங்கிய ஜோஸ் பட்லர் (52 ரன்) மற்றும் ஜேக்கப் பெத்தேல் (51 ரன்) ஆகியோர் அரைசதம் அடித்து அணியின் ஸ்கோரை உயர்த்தினர்.
இருப்பினும், மற்ற வீரர்கள் சொற்ப ரன்களில் ஆட்டமிழக்க, இங்கிலாந்து அணி 47.4 ஓவர்கள் முடிவில் அனைத்து விக்கெட்டுகளையும் இழந்து 248 ரன்கள் எடுத்தது. இந்திய அணி தரப்பில் ஹர்ஷித் ராணா, ரவிந்திர ஜடேஜா ஆகியோர் தலா 3 விக்கெட்டுகளை கைப்பற்றினர்.
இதையும் படிங்க – சாம்பியன்ஸ் கோப்பை கிரிக்கெட்: பாகிஸ்தானுக்கு செல்ல மறுக்கும் இந்திய நடுவர்
இதனையடுத்து, 249 ரன்கள் எடுத்தால் வெற்றி என்ற இலக்குடன் இந்திய அணி களமிறங்க உள்ளது.
இன்றைய போட்டியில் விளையாடும் இந்திய அணி விவரம்:
ரோஹித் சர்மா (கேப்டன்), யஷஸ்வி ஜெய்ஸ்வால், ஷ்ரேயாஸ் ஐயர், ஷுப்மன் கில், கே.எல். ராகுல் (விக்கெட் கீப்பர்), ஹர்திக் பாண்டியா, அக்சர் படேல், ரவீந்திர ஜடேஜா, ஹர்ஷித் ராணா, குல்தீப் யாதவ், முகமது ஷமி.
இங்கிலாந்து அணி வீரர்கள் விவரம்:
பென் டக்கெட், பிலிப் சால்ட் (விக்கெட் கீப்பர்), ஜோ ரூட், ஹாரி புரூக், ஜோஸ் பட்லர் (கேப்டன்), லியாம் லிவிங்ஸ்டோன், ஜேக்கப் பெத்தேல், பிரைடன் கார்ஸ், ஜோஃப்ரா ஆர்ச்சர், அடில் ரஷித், சாகிப் மஹ்மூத்.
February 06, 2025 5:02 PM IST
