மீண்டும் மும்பை இந்தியன்ஸ் அணிக்கு திரும்பிய ஜஸ்பிரீத் பும்ரா..! ரசிகர்கள் உற்சாகம்

2013ஆம் ஆண்டு முதல் மும்பை இந்தியன்ஸ் அணியில் மட்டுமே விளையாடி வரும் பும்ரா, கடந்த 2023-ல் மட்டும் விளையாடவில்லை.

இந்த நிலையில் ஆஸ்திரேலியாவிற்கு எதிரான பார்டர் – கவாஸ்கர் கோப்பையின் இறுதிப் போட்டியில் பும்ரா காயமடைந்தார். காயத்தால் அவதிப்பட்டு வந்த பும்ரா அதிலிருந்து மீண்டு மும்பை அணியில் இணைந்துள்ளார்.

அணிக்கு திரும்பிய பும்ராவை மும்பை இந்தியன்ஸ் அணி, சிறப்பு வீடியோ ஒன்றை வெளியிட்டு வரவேற்றுள்ளது.

இதையும் படிக்க: சென்னை அணிக்கு ஹாட்ரிக் தோல்வி.. 25 ரன்கள் வித்தியாசத்தில் டெல்லியிடம் வீழ்ந்தது

நடப்பு ஐபிஎல் சீசனில் 4 போட்டிகளில் மும்பை அணி விளையாடி அதில் ஒரே போட்டியில் மட்டுமே வெற்றி பெற்றுள்ளது. பும்ராவின் கட்டுக்கோப்பான பந்து வீச்சு மும்பை அணிக்கு பெரிய பலமாக கருதப்படுவதால் அந்த அணியின் ரசிகர்கள் உற்சாகமடைந்துள்ளனர்.

மும்பை அணியில் பும்ரா இணைந்துள்ளபோதும், திங்கட்கிழமை நடக்க உள்ள லீக் போட்டியில் பும்ரா விளையாட மாட்டார் என்று தகவல் வெளியாகியுள்ளது.