மலாக்கா மாநிலத் தேர்தலில் பக்காத்தான் ஹரப்பான் உட்பட எந்தவொரு அரசியல் கட்சியுடனும் பெர்சத்து ஒத்துழைக்காது என்று அக்கட்சியின் பொதுச்செயலாளர் அஸ்மின் அலி இன்று தெரிவித்துள்ளார்.
நெகிரி செம்பிலான் தேர்தலில் போட்டியிட்டதைப் போலவே, இத்தேர்தலிலும் பெர்சத்து தனது சொந்த சின்னத்தைப் பயன்படுத்தும் என்று அஸ்மின் கூறினார்.
குறிப்பிடப்பட்ட சில இலக்கு பகுதிகளில் தேர்தல் தயாரிப்புகளை மறுஆய்வு செய்வதிலேயே இப்போது எங்கள் கவனம் உள்ளது.
பெர்சத்து கட்சி தனித்து போட்டியிடுவதற்கான வியூகங்களை வகுத்து வருவதாகவும், அதற்கான தேர்தல் இயந்திரத்தை தயார்படுத்தி வருவதாகவும் அஸ்மின் கூறினார்.
மலாக்காவில் பல மூத்த பெர்சத்து மற்றும் பக்காத்தான் தலைவர்களுக்கு இடையே நடந்த சந்திப்பிற்கும் கட்சிக்கும் எந்தத் தொடர்பும் இல்லை என்று அவர் தள்ளிவைத்துக் கூறினார். மேலும் அந்த சந்திப்பு முற்றிலும் தனிப்பட்ட ரீதியிலானது என்றும், பெர்சத்துவின் அதிகாரப்பூர்வ நிலைப்பாட்டிற்கும் இதற்கும் எந்த சம்பந்தமும் இல்லை.
செப்டம்பர் 28 அன்று, மலாக்காவில் உள்ள ஒரு ஹோட்டலில் நடந்த மூடிய கதவு இரவு விருந்தில் பெர்சத்து தலைவர்கள் கலந்து கொண்டதாகக் கூறப்பட்டது, இது மாநிலத் தேர்தலுக்கு முன்னதாக சாத்தியமான ஒத்துழைப்பு குறித்த ஊகங்களைத் தூண்டியது.
பெர்சத்து தகவல் தொடர்பு பிரிவு தலைவர் துன் பைசல் இஸ்மாயில் அஜீஸ், தேர்தல் இயக்குனர் அலி முகமது, இணை பிரிவு தலைவர் ஆர். ஸ்ரீ சஞ்சீவன் மற்றும் மலாக்கா தகவல் தொடர்பு பிரிவு தலைவர் ஹிஷாமுதீன் கரீம் ஆகியோர் இதில் கலந்து கொண்டவர்களில் அடங்குவர்.
மாநிலத் தேர்தலுக்காக “PH பிளஸ்” கூட்டணியை உருவாக்க, பெர்சத்து உட்பட ஒரே மாதிரியான லட்சியங்களைக் கொண்ட கட்சிகளுடன் மலாக்கா பக்காத்தான் பேச்சுவார்த்தைகளை இறுதி செய்து வருவதாக அதன் தலைவர் அட்லி ஜஹாரி இதற்கு முன்பு கூறியிருந்தார்.
செப்டம்பர் 29 அன்று, அமானா (Amanah) செய்தித் தொடர்பாளர் காலித் சமாத் கூறுகையில், மாநிலத் தேர்தலில் பாரிசான் நேஷனலுடன்- பக்காத்தான் கூட்டணி வைக்காது என்று அவர் கூறினார்.
-fmt
