வளைகுடா பிராந்தியத்தில் பாதுகாப்பு சூழ்நிலை தீவிரமடைந்து வரும் நிலையில், சவூதி அரேபியா மற்றும் பாகிஸ்தான் இடையிலான இராணுவ கூட்டாண்மை அடுத்த கட்டத்திற்கு நகரும் வாய்ப்பு அதிகரித்துள்ளதாக சர்வதேச ஆய்வாளர்கள் மதிப்பிடுகின்றனர்.
சுமார் 13,000 பாகிஸ்தான் வீரர்கள் மற்றும் பல போர் விமானங்கள் சவூதி அரேபியாவில் நிலைநிறுத்தப்பட்டிருப்பது, வெறும் பாதுகாப்பு ஒத்துழைப்பை விட அதிகமான மூலோபாய நோக்கத்தைக் காட்டுகிறது.
இது எதிர்காலத்தில் ஈரான் உடன் உருவாகக்கூடிய நேரடி அல்லது மறைமுக மோதல்களுக்கு முன் தயாரிப்பாக இருக்கலாம் என கருதப்படுகிறது.
மத்திய கிழக்கு பிராந்தியத்தில் ஏற்கனவே அதிகரித்து வரும் பதற்றம், குறிப்பாக அமெரிக்கத் தளங்கள் மீது நடத்தப்பட்ட தாக்குதல்கள் மற்றும் அதனைத் தொடர்ந்து நடந்த பாதுகாப்பு நடவடிக்கைகள் பெரிய அளவிலான பிராந்தியப் போருக்கான வாய்ப்புகளை உயர்த்தியுள்ளது.
இந்த சூழலில், பாகிஸ்தானின் இராணுவ ஆதரவு, சவூதி அரேபியாவின் பாதுகாப்பை மட்டுமல்லாமல், அதன் தாக்குதல் திறனையும் மறைமுகமாக வலுப்படுத்தும் வகையில் அமையலாம்.
சர்வதேச இராஜதந்திர வட்டாரங்கள், இந்த முன்னேற்றம் அமெரிக்க மற்றும் அதன் கூட்டாளிகள், மேலும் ஈரான் ஆகியவற்றுக்கிடையேயான மோதல்களை மேலும் தீவிரப்படுத்தும் அபாயத்தை ஏற்படுத்தும் என எச்சரிக்கின்றன.
மேலும், பாகிஸ்தான் – சவூதி பாதுகாப்பு ஒப்பந்தத்தின் “ஒரு நாட்டின் மீது தாக்குதல் மற்றொரு நாட்டின் மீதான தாக்குதல்” என்ற விதி செயல்படுத்தப்படும் சூழ்நிலை உருவானால், இது முழுமையான பிராந்திய போருக்கு வழிவகுக்கும் என்ற கவலைகளும் எழுந்துள்ளன.
இந்த முன்னேற்றங்கள் தொடர்ந்தால், மத்திய கிழக்கில் பல நாடுகளை உள்ளடக்கும் கூட்டுப் போர் அல்லது பிரதிநிதிப் போர் (proxy war) உருவாகும் சாத்தியம் அதிகரிக்கும் என நிபுணர்கள் முன்னறிவிக்கின்ற நிலையில் குறித்த விடயத்தை முக்கியமாக ஆராய்கிறது ஐ.பி.சி தமிழின் உண்மையின் தரிசனம் நிகழ்ச்சி…
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
