முன்னாள் வெளிவிவகாரச் செயலாளர் மைக் பாம்பியோ, ஐக்கிய நாடுகள் சபைக்கான அமெரிக்காவிள் முன்னாள் தூதவர் நிக்கி ஹாலே ஆகியோரை எனது நிர்வாகத்தில் சேர அழைக்க மாட்டேன்’ என்று அமெரிக்காவின் 47வது ஜனாதிபதியாகத் தெரிவு செய்யப்பட்டுள்ள டொனால்ட் ட்ரம்ப் தெரிவித்துள்ளார்.
ட்ரம்ப் ஏற்கனவே ஜனாதிபதியாகப் பதவி வகித்த போது அவரது ஆட்சியில் மைக் பாம்பியோ வெளிவிவகாரச் செயலாளராகவும், நிக்கி ஹாலே ஐ.நா. வுக்கான அமெரிக்கத் தூதுவராகவும் பணியாற்றியவர்களாவர்.
எதிர்வரும் ஜனவரி 20 ஆம் திகதி ஜனாதிபதியாக ட்ரம்ப் பதவி ஏற்கவிருக்கும் நிலையில் தற்போது அமைச்சர்கள் மற்றும் ஆலோசகர்களைத் தெரிவு செய்யும் பணிகள் இடம்பெற்று வருகின்றன. இந்த சூழலில் மேற்கண்டவாறு குறிப்பிட்டுள்ள ட்ரம்ப், ஏற்கனவே தமது பதவிக் காலத்தில் இவர்கள் ஆற்றிய பணிகளைப் பாராட்டியும் உள்ளார்.
அமெரிக்க ஜனாதிபதித் தேர்தலில் குடியரசு கட்சி வேட்பாளர் தெரிவின் போது ட்ரம்பை எதிர்த்து நிக்கி ஹாலே போட்டியிட்ட போதிலும்
பின்னர் அவர் போட்டியில் இருந்து விலகி கொண்டார் என்பது தெரிந்ததே.
The post பாம்பியோ, நிக்கி ஹாலேவுக்கு ட்ரம்ப் ஆட்சியில் இடமில்லை appeared first on Thinakaran.
