திரைப்படத் தயாரிப்பாளர், பாடலாசிரியர், நடிகர் சிவகார்த்திகேயன் தென்னிந்திய திரைப்பட எழுத்தாளர்கள் சங்கத்தில் இணைந்துள்ளார்.
தென்னிந்திய திரைப்பட எழுத்தாளர் சங்கத் தேர்தல் 3 வருடத்துக்கு ஒரு முறை நடத்தப்படுவது வழக்கம். அந்த வகையில், 2026 முதல் 2029 காலத்திற்கான தேர்தல் கடந்த ஜூலை மாதம் தொடக்கத்தில் நடைபெறவிருந்தது. ஆனால், சங்கத்தின் தலைவராக இருந்த இயக்குநர் கே.பாக்யராஜ் திடீரென மறைந்ததால் அந்த தேர்தல் அம்மாதம் மத்தியில் நடந்தது. இதில் சேரன் அணியான ‘நம்ம பாக்யராஜ்’ வெற்றி பெற்றது. இதையடுத்து தலைவராக சேரன், பொதுச் செயலாளராக பட்டுக்கோட்டை பிரபாகர், பொருளாளராக ஆர்.சுந்தர்ராஜன் உள்ளிட்ட வெற்றி பெற்ற நிர்வாகிகள் புதியதாக பொறுப்பேற்று சங்கத்தை வழி நடத்தி வருகின்றனர்.
அதைத் தொடர்ந்து கமல்ஹாசன், ரஜினிகாந்த், இளையராஜா உள்ளிட்டவர்களை சந்தித்து வாழ்த்து பெற்றனர். அவர்களது சங்கத்தில் இணையாதவர்களை உறுப்பினர்களாக சேர்த்து வருகின்றனர். லெஜண்ட் சரவணன் கவுரவ உறுப்பினராக சமீபத்தில் இணைந்தார்.
