சென்னை: தங்கம் விலை இன்று (மே.26) பவுனுக்கு ரூ.320 குறைந்து ஒரு பவுன் ரூ.71,600-க்கு விற்பனையாகிறது. வெள்ளி விலையில் இன்று மாற்றமேதும் இல்லை.
சர்வதேச பொருளாதார நிலவரத்துக்கு ஏற்ப இந்தியாவில் தங்கம் விலை உயர்ந்தும், குறைந்தும் விற்பனையாகி வருகிறது. அந்தவகையில், தங்கம் விலை கடந்த வெள்ளிக்கிழமை, பவுனுக்கு ரூ.400 அதிகரித்து ரூ.71,920-க்கு விற்பனையானது.
இந்நிலையில் இன்று (திங்கள் கிழமை) வாரத்தின் முதல் நாளில் 22 கேரட் ஆபரணத் தங்கம் விலை கிராமுக்கு ரூ.40 குறைந்து, ஒரு கிராம் தங்கம் ரூ.8,950-க்கும், பவுனுக்கு ரூ. 320 குறைந்து, ஒரு பவுன் ரூ.71,600-க்கும் விற்பனை செய்யப்படுகிறது.
வெள்ளி விலையில் மாற்றமேதுமின்றி, ஒரு கிராம் வெள்ளி ரூ.111-க்கும், ஒரு கிலோ வெள்ளி ரூ.1,11,000-க்கும் விற்பனை செய்யப்படுகிறது.
