Last Updated:
ஒருநாள் தொடரின் போது இந்திய கேப்டன் சுப்மன் கில் இரட்டைச் சதம் அடித்து 406 ரன்கள் இலக்கை வெற்றிகரமாகத் தாண்டிய பின்னர் ‘406? Cool’ என்று பதிவிட்டிருந்தார்.
இந்தியாவிற்கு எதிரான இரண்டாவது டி20 போட்டியில் மேற்கிந்தியத் தீவுகள் அணி 6 விக்கெட் வித்தியாசத்தில் அபார வெற்றி பெற்றிருந்தது. இந்த போட்டி தொடர்பாக இந்திய அணியின் கேப்டன் சுப்மன் கில்லை கிண்டல் செய்யும் விதமாக வெஸ்ட் இண்டீஸ் கேப்டன் ஷாய் ஹோப் சமூக வலைதளங்களில் பதிவிட்டது பரபரப்பை ஏற்படுத்தியுள்ளது.
ராஞ்சியில் நடைபெற்ற இந்தப் போட்டியில், முதலில் பேட்டிங் செய்த இந்திய அணி சஞ்சு சாம்சனின் அதிரடி ஆட்டத்தின் (82 ரன்கள்) மூலம் நிர்ணயிக்கப்பட்ட 20 ஓவர்களில் 5 விக்கெட் இழப்புக்கு 249 ரன்களைக் குவித்தது. கடினமான இந்த இலக்கை நோக்கி களமிறங்கிய வெஸ்ட் இண்டீஸ் அணி தொடக்கத்தில் விக்கெட்டுகளை இழந்தாலும், கேப்டன் ஷாய் ஹோப் தலைமையிலான அணியின் அதிரடியால் போட்டியைத் தலைகீழாக மாற்றியது.
வெஸ்ட் இண்டீஸ் அணியின் கேப்டன் ஷாய் ஹோப் வெறும் 45 பந்துகளில் ஆட்டமிழக்காமல் 102 ரன்கள் குவித்து அணியை வெற்றிப் பாதைக்கு அழைத்துச் சென்றார். மேலும், ஷெர்பேன் ரதர்ஃபோர்ட் 37 பந்துகளில் 84 ரன்கள் விளாசி வலு சேர்த்தார். இறுதியில் வெஸ்ட் இண்டீஸ் அணி 18.3 ஓவர்களிலேயே 4 விக்கெட்டுகளை இழந்து 250 ரன்கள் எடுத்து வரலாற்றுச் சிறப்புமிக்க வெற்றியைப் பதிவு செய்தது. இந்த வெற்றியின் மூலம் 5 போட்டிகள் கொண்ட டி20 தொடர் தற்போது 1-1 என்ற கணக்கில் சமனில் உள்ளது.
இதனிடையே, போட்டியின் வெற்றிக்குப் பிறகு வெஸ்ட் இண்டீஸ் கேப்டன் ஷாய் ஹோப் தனது இன்ஸ்டாகிராம் பக்கத்தில் ‘250? Cool’ என்று பதிவிட்டு இந்திய அணியை கிண்டல் செய்யும் வகையில் பதிவிட்டுள்ளார்.
இதற்கு முன்பு ஒருநாள் தொடரின் போது இந்திய கேப்டன் சுப்மன் கில் இரட்டைச் சதம் அடித்து 406 ரன்கள் இலக்கை வெற்றிகரமாகத் தாண்டிய பின்னர் ‘406? Cool’ என்று பதிவிட்டிருந்ததை சுட்டிக்காட்டும் வகையிலேயே ஷாய் ஹோப் இந்த பதிவை வெளியிட்டுள்ளார் என்பது குறிப்பிடத்தக்கது.
இதற்கு பதிலடி கொடுக்கும் வகையில் சுப்மன் கில்லின் இன்றைய ஆட்டம் இருக்குமா என்கிற எதிர்பார்ப்பில் ரசிகர்கள் உள்ளனர்
