Last Updated:
ஹுதி கிளர்ச்சியாளர்களுக்கு எதிரான சவுதியின் வான்வழித் தாக்குதலில் அமெரிக்காவும் இணைவது குறித்து பரிசீலிக்க உள்ளதாக எச்சரித்துள்ளார் அமெரிக்க அதிபர் டிரம்ப்.
சவுதி அரேபிய தலைநகர் ரியாத்தில் உள்ள விமான நிலையம் மீது நடத்தப்பட்ட கொடூரத் தாக்குதலில் அமெரிக்கர் உள்பட 12 பேர் கொல்லப்பட்டனர்.
ஏமன் நாட்டில் அரசுப்படையினக்கும், ஈரான் ஆதரவு பெற்ற ஹூதி கிளர்ச்சியாளர்களுக்கும் இடையே கடந்த சில மாதங்களாக சண்டை நீடித்து வருகிறது. இதில், ஹூதி கிளர்ச்சியாளர்களுக்கு எதிராக சவுதி அரேபிய ராணுவம் வான்வழித் தாக்குதல் நடத்தி வருகிறது. இதற்கு ஹூதி கிளர்ச்சியாளர்கள் பதிலடி கொடுத்து வருகின்றனர்.
இந்நிலையில், சவுதி அரேபிய தலைநகர் ரியாத்தில் உள்ள கிங் கலீத் சர்வதேச விமான நிலையம் மீது சரமாரியாக ஏவுகணை தாக்குதல் நடத்தப்பட்டது. இந்த தாக்குதலில் விமான கேப்டன், அமெரிக்கர் உள்பட 12 பேர் உயிரிழந்தனர். மேலும், உள்நாடு, வெளிநாடுகளை சேர்ந்த 300 க்கும் மேற்பட்ட பயணிகள் காயமடைந்தனர்.
ஏவுகணைகள் தாக்கியதில் விமான நிலையத்தின் பயணிகள் புறப்படும் லாஞ்ச் பகுதிகள் முற்றிலுமாக சேதமடைந்துள்ளன. இந்தத் தாக்குதலுக்கு உடனடியாக எந்தவொரு அமைப்பும் பொறுப்பேற்கவில்லை. இந்த தாக்குதல் சம்பவத்திற்கு கண்டனம் தெரிவித்துள்ள அமெரிக்க அதிபர் டிரம்ப், ஹுதி கிளர்ச்சியாளர்களுக்கு எதிரான சவுதியின் வான்வழித் தாக்குதலில் அமெரிக்காவும் இணைந்து தாக்குவது குறித்து பரிசீலிக்க உள்ளதாக எச்சரித்துள்ளார்.
