Last Updated:
நதியின் நீர் பாயும் திசைக்கு எதிர் திசையில், ஆர்ப்பரிக்கும் ஆற்று வெள்ளத்திற்கு மேலே ஷி ஹைலின் 100 மீட்டர் தூரத்தைக் கடந்து சாதனை படைத்தார்
சீற்றத்துடன் சீறிப் பாயும் நதிக்கு மேலே, வெறும் இரண்டரை சென்டிமீட்டர் மெல்லிய கயிற்றில் நடந்து சீன வீரர் ஒருவர் செய்துள்ள சாகசம் உலகளவில் கவனம் ஈர்த்துள்ளது.
சீனாவின் யுன்னான் மாகாணத்தில் உள்ள புகழ்பெற்ற ‘டைகர் லீப்பிங் கார்ஜ்’ பள்ளத்தாக்கில், ஜின்ஷா நதியின் குறுக்கே சுமார் 200 மீட்டர் தூரத்திற்கு அமைக்கப்பட்ட கயிற்றில், சாகச வீரர் ஷி ஹைலின் (Shi Hailin) நடந்து சென்றார்.
கீழே நீர் சீறிப்பாய, சுழன்றடித்த காற்றில் கயிறு பயங்கரமாக ஆடியபோதும், அவர் தனது கைகளை அகல விரித்தும், இடையிடையே முழங்கால்களை வளைத்து நிலைநிறுத்தியும் நடந்து சென்றது காண்போரை திகிலடைய வைத்தது.
நதியின் நீர் பாயும் திசைக்கு எதிர் திசையில், ஆர்ப்பரிக்கும் ஆற்று வெள்ளத்திற்கு மேலே ஷி ஹைலின் 100 மீட்டர் தூரத்தைக் கடந்து சாதனை படைத்தார். பாறை ஏறுதல், ஜிம்னாஸ்டிக்ஸ் ஆகியவற்றின் கலவையான ‘ஸ்லேக்லைனிங்’ என்ற இந்த அபாயகரமான விளையாட்டுப் பிரிவில் முன்னணி வீரராகச் செயல்பட்டு வரும் ஷி ஹைலின், இதற்கு முன்னதாக, சீனாவின் மஞ்சள் நதியை கயிற்றில் கடந்து சாதனை படைத்தது கவனிக்கத்தக்கது.
