&w=1200&resize=1200,675&ssl=1)
46வது தேசிய அளவில் ஆன கேரம் விளையாட்டுப் போட்டி, கடந்த மார்ச் மாதம் 28ஆம் தேதி முதல் 31ஆம் தேதி வரை உத்திரபிரதேச மாநிலம் வாரணாசியில் நடைபெற்றது. அப்போட்டியில் விழுப்புரம் மாவட்டத்தைச் சேர்ந்த மூன்று மாணவர்களும், ஒரு மாணவியும் தமிழ்நாடு மாநிலம் சார்பில் பங்கேற்றனர்.
அதில் 12 வயதுக்கு உட்பட்ட மாணவர்கள் பிரிவில் விழுப்புரம் மாவட்டம், தூய இருதய ஆங்கிலோ இந்தியன் மேல்நிலைப் பள்ளியில் ஆறாம் வகுப்பு பயிலும் மாணவன் கோகுலேஷ் தேசிய அளவில் முதலிடம் பெற்று சாம்பியன் பட்டம் வென்று உள்ளார். அதே போட்டியில் மாணவியர் பிரிவில்அதே பள்ளியைச் சேர்ந்த ஆறாம் வகுப்பு படிக்கும் மாணவி சாதனா தேசிய அளவில் இரண்டாம் இடத்தை பெற்றுள்ளார்.
இதேபோல் 14 வயதுக்கு உட்பட்ட மாணவர் பிரிவில் குழு போட்டியில், ஜான்டுயி மெட்ரிக் மேல்நிலைப் பள்ளியில் ஏழாம் வகுப்பு பயிலும் மாணவன் தர்ஷன்ஜி மூன்றாம் இடம் பெற்றுள்ளார். அதேபோல் பவன்குமார் மாணவன் தொடர்ந்து இரண்டு ஆண்டுகளாக தேசிய அளவில் கேரம் போட்டியில் பங்கு பெற்று முதலிடம் மற்றும் ஐந்தாம் இடத்தை பெற்றுள்ளார். இவர்கள் அனைவருமே தேசிய அளவிலான போட்டியில் முதன்முதலாக பங்கேற்று அப்போட்டியில் வெற்றி பெற்று சாதனை படைத்துள்ளனர்.
திருச்சியில் குடும்பத்துடன் குட்டி ட்ரிப் போக சரியான ஸ்பாட்.!
இதுகுறித்து இவர்களுக்கு பயிற்சி அளித்த கோபி கிருஷ்ணன் கூறுகையில், வெற்றி பெற்ற மாணவர்கள் அனைவருமே விடுப்பு எடுக்காமல் கேரம் பயிற்சியில் முழு மூச்சுடன் ஈடுபட்டு வருவார்கள். விடுமுறை நாட்களில் கூட முழு நேர பயிற்சியில் ஈடுபட்டு வருவார்கள். நிச்சயமாக இந்த மாணவர்கள் அனைவரும் சர்வதேச போட்டியில் பங்கு பெற்று வெற்றி பெறுவதற்கான அனைத்து பயிற்சிகளையும் நாங்கள் அளிப்போம் என கூறினார்.
மேலும் தேசிய அளவில் வெற்றி பெற்ற மாணவர்கள் கூறுகையில் நிச்சயமாக இந்த வெற்றியை இதோடு நிறுத்தாமல் சர்வதேச போட்டிக்கு தேவையான அனைத்து முயற்சிகளிலும் நாங்கள் ஈடுபடுவோம் என தெரிவித்தனர்.
உங்கள் ஊர் செய்திகளை வீடியோவாக பெற
கிளிக்
செய்க
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…
&w=75&resize=75,75&ssl=1)
&w=1200&resize=1200,675&ssl=1&description=%E0%AE%95%E0%AF%87%E0%AE%B0%E0%AE%AE%E0%AF%8D%20%E0%AE%AA%E0%AF%8B%E0%AE%9F%E0%AF%8D%E0%AE%9F%E0%AE%BF%E2%80%A6%E0%AE%A4%E0%AF%87%E0%AE%9A%E0%AE%BF%E0%AE%AF%20%E0%AE%85%E0%AE%B3%E0%AE%B5%E0%AE%BF%E0%AE%B2%E0%AF%8D%20%E0%AE%B5%E0%AF%86%E0%AE%B1%E0%AF%8D%E0%AE%B1%E0%AE%BF%20%E0%AE%AA%E0%AF%86%E0%AE%B1%E0%AF%8D%E0%AE%B1%20%E0%AE%B5%E0%AE%BF%E0%AE%B4%E0%AF%81%E0%AE%AA%E0%AF%8D%E0%AE%AA%E0%AF%81%E0%AE%B0%E0%AE%AE%E0%AF%8D%20%E0%AE%AE%E0%AE%BE%E0%AE%A3%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D){kind=link}