கும்பமேளா செல்ல மோதல்.. ரயில் ஏசி பெட்டி கண்ணாடியை உடைத்த பயணிகள்

அப்போது அனைத்துப் பெட்டிகளும் நிரம்பிவிட்டால் அடுத்த ரயிலில் செல்லலாம் என்றுதான் அனைவரும் நினைப்பர். ஆனால் உத்தரப்பிரதேச மாநிலம் பிரயாக்ராஜ் நகரில் நடைபெறும் மகா கும்பமேளாவுக்குச் சென்றவர் மாற்றி யோசித்துள்ளனர். வாரணாசியில் இருந்து சென்ற ரயிலில் இடம் கிடைக்காதவர்கள், ரயில் என்ஜினில் ஓட்டுநரின் பகுதியில் ஏறி கதவை பூட்டிக்கொண்டதால் பரபரப்பு ஏற்பட்டது.

பின்னர் ரயில்வே பாதுகாப்புப் படையினர் அவர்களை ரயில் என்ஜினில் இருந்து அப்புறப்படுத்தினர். இது ஒருபுறம் இருக்க, பிகாரில் இருந்து பிரயாக்ராஜ் வழியாக புது டெல்லி செல்லும் ரயிலில் இடம் கிடைக்காதவர்கள் எல்லை மீறி, கண்ணாடிகளை உடைத்தனர். இதனால் குளிர்சாதன வசதி கொண்ட ரயிலில் முன்பதிவு செய்து கும்பமேளா சென்ற பயணிகள் சிரமத்திற்கு ஆளாகினர். பல பெட்டிகளிலும் ரயில் கண்ணாடி சேதமடைந்ததாக தகவல்கள் வெளியாகியுள்ளன.

முன்பதிவில்லா பெட்டிகளில் பல கட்ட போராட்டங்களுக்குப் பிறகு இடம் கிடைத்த பலர் படிக்கட்டு அருகே நின்று பயணத்தை தொடர்ந்தனர். அப்போது கீழே விழாமல் இருக்க, துணியால் இருபுறமும் கட்டி இருந்தனர். கூட்டம் நிரம்பியதால் ரயில் பெட்டியின் கதவுகளை அடைக்கப்பட்டபோது, பலர் உள்ளே இருந்தவர்களின் மீது தண்ணீரை ஊற்றினர்.

#JUSTIN பிகாரில் இருந்து கும்பமேளா நடைபெறும் பிரயாக்ராஜுக்கு செல்ல ரயிலில் ஏசி பெட்டிகளின் கண்ணாடிகளை உடைத்து பயணிகள் ஏற முயன்றதால் பரபரப்பு#MahaKumbhMela #Bihar #News18Tamilnadu | https://t.co/3v5L32pLWJ pic.twitter.com/VzwXKdvalH

— News18 Tamil Nadu (@News18TamilNadu) February 11, 2025