நிதித் திட்டமிடலில் பணவீக்கத்தின் தாக்கம் குறித்துப் பேசிய அவர், “25 வயதான கணவன்-மனைவி இருவரின் தற்போதைய மாதச் செலவு ரூ. 25,000 என வைத்துக்கொள்வோம் (குழந்தைகள், பெற்றோருக்கான செலவுகள் நீங்கலாக). ஆண்டுக்குச் சராசரியாக 7% பணவீக்கம் நிலவும் எனக் கணக்கிட்டால், ஒவ்வொரு பத்தாண்டுகளுக்கும் குடும்பச் செலவு இரட்டிப்பாகும். இதன்படி, 35 வயதில் ரூ. 50,000-ஆகவும், 45 வயதில் ரூ. 1 லட்சமாகவும், 55 வயதில் ஓய்வு பெறும்போது அதே வாழ்க்கை முறைக்கு மாதம் ரூ. 2 லட்சம் (ஆண்டுக்கு ரூ. 24 லட்சம்) தேவைப்படும். எனவே, 55 வயதிற்குப் பிறகான 30 ஆண்டுகால ஓய்வு வாழ்க்கையைச் சமாளிக்க ரூ. 7.2 கோடி கையிருப்பு நிதி (Liquid Corpus) அவசியம்” என்றும் தெரிவித்தார்.
