ஈரான் தனது அணுசக்தித் திட்டம் மற்றும் ஏனைய விவகாரங்கள் தொடர்பில் விரைவில் முடிவெடுக்க வேண்டும் என்றும், இல்லையெனில் அமெரிக்காவால் விரைவான மற்றும் பாரிய இராணுவத் தாக்குதல்களை எதிர்கொள்ள நேரிடும் என்றும் அமெரிக்க பாதுகாப்புச் செயலாளர் பீட் ஹெக்செத் எச்சரித்துள்ளார்.
இது குறித்து கருத்து தெரிவித்த அவர்,
“பேச்சுவார்த்தை மேசையில் அவற்றைக் கைவிடுவதா அல்லது அமெரிக்காவால் ஏற்படுத்தக்கூடிய பேரழிவை எதிர்கொள்வதா என்பதை ஈரான் மிக விரைவில் தீர்மானிக்க வேண்டும்.
தேவைப்பட்டால், அமெரிக்கா அதனை விரைவாகச் செயல்படுத்தும்.
மரபுவழி ஏவுகணை ஆயுதக் களஞ்சியம்
ஈரான் தனது நாட்டின் மீது இராணுவ நடவடிக்கைகள் மேற்கொள்ளப்படுவதைத் தடுக்கும் நோக்கில், பெருமளவிலான மரபுவழி ஏவுகணை ஆயுதக் களஞ்சியத்தை உருவாக்கி வருகிறது.
அதேவேளை, அணுசக்தி தொடர்பான தனது இலட்சியங்களையும் ஈரான் தொடர்ந்து முன்னெடுத்து வருகிறது.
எதிரிகளைப் பேச்சுவார்த்தைக்கு வரச் செய்வதற்கு அமெரிக்காவின் இராணுவ வலிமை அவசியமானது.
மேலும் லெபனானைத் தளமாகக் கொண்ட ஹிஸ்புல்லா அமைப்புக்கும், யேமனில் செயல்படும் ஹூதி அமைப்புக்கும் ஈரான் நிதியுதவி வழங்குகிறது.
இதன்படி அமெரிக்கப் படைகள் மற்றும் கடல் வழி வர்த்தகக் கப்பல்கள் மீதான தாக்குதல்களைத் தடுப்பதற்கு வாஷிங்டன் முயற்சிகளை மேற்கொண்டுள்ளது” என அவர் குறிப்பிட்டார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
