அமெரிக்க அதிபராகப் பொறுப்பேற்றதில் இருந்து ட்ரம்ப் பல அதிரடிகளை அரங்கேற்றி வருகிறார். அப்படியான ஒன்று தான் ஈரான் மீதான போர்.
ட்ரம்பின் இந்த நகர்வு அமெரிக்காவில் இருக்கும் பலருக்கும் பிடிக்கவில்லை.
ஆக, ட்ரம்பின் இந்த நகர்வை எதிர்த்து அமெரிக்க நாடாளுமன்றமான காங்கிரஸின் கீழவையில், “ஈரான் போரில் இருந்து அமெரிக்கப் படைகளைத் திரும்ப பெறுவதற்கான’ சிறப்புத் தீர்மானம் நிறைவேற்றப்பட்டிருக்கிறது.
இந்தத் தீர்மானத்திற்கு ட்ரம்பின் சொந்தக் கட்சியான குடியரசுக் கட்சியில் இருந்தும் வாக்குகள் கிடைத்துள்ளன. அதனால், 215 – 208 என்று இந்தத் தீர்மானம் வெற்றிகரமாக நிறைவேற்றப்பட்டுள்ளது.
இந்தத் தீர்மானத்திற்கு அமெரிக்க மேல்சபையில் ஒப்புதல் இல்லை. அதனால், இது சட்டமாகாது என்றாலும், அதிபருக்கு எதிராக இப்படியொரு தீர்மானம் நிறைவேற்றப்படுவது அமெரிக்க வரலாற்றில் இதுவே முதல் முறை.
இந்த ஆண்டிலேயே இதுவரை நான்கு முறை கீழவையில் ட்ரம்பின் ஈரான் போருக்கு எதிராக தீர்மானம் கொண்டுவரப்பட்டது. ஆனால், போதிய வாக்குகள் இல்லாததால், அவை நிறைவேறவில்லை.
ஆனால், நேற்று போதிய வாக்குகள் கிடைத்து தீர்மானம் நிறைவேற்றப்பட்டுள்ளது.
இப்படி அதிபருக்கு எதிரான தீர்மானம் நிறைவேற்றப்பட்டது நிச்சயம் ட்ரம்பிற்கு பின்னடைவு என்று அரசியல் பார்வையாளர்கள் கூறுகின்றனர்.
