அமெரிக்காவுடன் அமைதி உடன்படிக்கை ஒன்றை எட்டுவதற்கு ஈரானிடம் உள்ள செறிவூட்டப்பட்ட யுரேனியமே அனைத்திற்கும் முக்கிய திறவுகோலாகும் எனத் தெரிவிக்கப்பட்டுள்ளது.
அமெரிக்க வெளியுறவுத்துறையின் ஈரான் விவகாரங்களுக்கான முன்னாள் தற்காலிக இயக்குநர் ஜோயி ஹூட் (Joey Hood) இதனைத் தெரிவித்துள்ளார்.
ஈரானிடம் தற்போது 60 விழுக்காடு வரை செறிவூட்டப்பட்ட 441 கிலோகிராம் யுரேனியம் உள்ளது.
சிவில் பயன்பாடு
இது குறித்துக் கருத்து தெரிவித்த அவர், “இந்த அளவிலான செறிவூட்டப்பட்ட யுரேனியத்தை சாதாரண சிவில் பயன்பாடுகளுக்குப் பயன்படுத்த முடியாது.
இது இராணுவத் தேவைகளுக்கு (அணு ஆயுதத் தயாரிப்புக்கு) மட்டுமே உகந்தது.
எனவே, இறுதியில் ரஷ்யாவும் சீனாவும் கூட இந்த யுரேனியம் அங்கிருந்து அகற்றப்பட்டுப் பாதுகாப்பான நிலைக்குக் கொண்டு வரப்பட வேண்டும் என்பதை ஒப்புக்கொள்ளும்.
பேச்சுவார்த்தை
இந்த வாரம் பெய்ஜிங்கில் நடைபெற்ற பேச்சுவார்த்தையின் போது சீன ஜனாதிபதி ஷி ஜின்பிங் மற்றும் ரஷ்ய ஜனாதிபதி விளாடிமிர் புடின் ஆகியோர் ஈரானின் யுரேனியத்தைப் பாதுகாப்பது மற்றும் அதனைச் சேமித்து வைப்பது குறித்து விவாதித்திருக்கலாம்.
இந்தப் பிரத்தியேகப் பிரச்சினை குறித்து பெய்ஜிங்கில் சில ரகசியக் கலந்துரையாடல்கள் நடந்திருக்க வாய்ப்புள்ளது.
ஒருவேளை அவர்கள் ஈரானியர்களுடன் இது பற்றிப் பேசியிருக்கலாம். அதன் முடிவுகளை நாம் விரைவில் காணக்கூடும்” எனத் தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
