இலங்கை – ஆஸி அணிகள் மோதும் கிரிக்கெட் தொடருக்கான அட்டவணை வெளியீடு

194

ICC உலக டெஸ்ட் சம்பியன்ஷிப் தொடரின் இரு போட்டிகள் கொண்ட டெஸ்ட் தொடரில் விளையாடுவதற்காக அவுஸ்திரேலிய கிரிக்கெட் அணி எதிர்வரும் ஜனவரி மாதம் இலங்கைக்கு சுற்று பயணம் மேற்கொள்கிறது.

2023 – 2025 ICC உலக டெஸ்ட் சம்பியன்ஷிப் தொடரில் இலங்கை அணி விளையாடும் இறுதி தொடராக குறித்த இரு போட்டிகள் கொண்ட டெஸ்ட் தொடர் அமைய இருக்கிறது.

அது மட்டுமல்லாமல் அவுஸ்திரேலியா அணி பாகிஸ்தானில் நடைபெற உள்ள ICC சம்பியன்ஸ் கிண்ண தொடரில் பங்குபெற்றுவதற்காக இலங்கை அணியுடன் ஒரேயொரு ஒருநாள் போட்டியிலும் விளையாடவுள்ளமை குறிப்பிடத்தக்கது.

இரண்டு டெஸ்ட் போட்டிகளும் காலி சர்வதேச கிரிக்கெட் மைதானத்தில் நடைபெற உள்ளதுடன் ஒருநாள் போட்டிக்கான மைதானம் அறிவிக்கப்படவில்லை.

குறித்த டெஸ்ட் தொடர் ஜனவரி மாதம் 29 ஆம் திகதி ஆரம்பமாகி பெப்ரவரி மாதம் 10ஆம் திகதி நிறைவடைகிறது.

குறித்த தொடரில் பங்கேற்கும் அவுஸ்திரேலியா அணி ஜனவரி மாதம் 20ஆம் திகதி இலங்கை வருகிறது.

Media-Release-SLCM202498-The-schedule-of-the-Australia-Tour-of-Sri-Lanka-2025