இலங்கையின் சில வர்த்தக வங்கிகளில் அமெரிக்க டொலருக்கு எதிரான ரூபாயின் பெறுமதி இன்று மேலும் வீழ்ச்சியடைந்துள்ளதுடன் டொலரின் விற்பனை விலை 332 ரூபாய் மட்டத்தில் பதிவாகியுள்ளது.
புதன்கிழமையுடன் ஒப்பிடுகையில் இலங்கையின் சில முக்கிய வர்த்தக வங்கிகளில் அமெரிக்க டொலருக்கு எதிரான இலங்கை ரூபாயின் பெறுமதி இன்று வியாழக்கிழமை மேலும் வீழ்ச்சியடைந்துள்ளது. அதேவேளை பெரும்பாலான வங்கிகளில் அமெரிக்க டொலரின் விற்பனை விலை 332 ரூபாய் மட்டத்தில் தொடர்ந்து நிலையாகப் பேணப்பட்டு வருகின்றது.
செலான் வங்கியின் நாணய மாற்று விகிதங்களின்படி அமெரிக்க டொலரின் கொள்வனவு விலை மாற்றமின்றி 323.90 ரூபாயாகவும் விற்பனை விலை மாற்றமின்றி 333.15 ரூபாயாகவும் பதிவாகியுள்ளது. என்.டி.பி வங்கியில் அமெரிக்க டொலரின் கொள்வனவு விலை 323.40 ரூபாயிலிருந்து 323.60 ரூபாய் வரையிலும் விற்பனை விலை 332.40 ரூபாயிலிருந்து 332.60 ரூபாய் வரையிலும் சற்று அதிகரிப்பைக் காட்டியுள்ளன.
மக்கள் வங்கியில் அமெரிக்க டொலரின் கொள்வனவு விலை 324.11 ரூபாயிலிருந்து 324.20 ரூபாயாக உயர்வடைந்துள்ளதுடன் விற்பனை விலையானது 332.14 ரூபாயிலிருந்து 332.24 ரூபாயாக அதிகரித்துள்ளது. கொமர்ஷல் வங்கியிலும் டொலரின் கொள்வனவு விலை 322.11 ரூபாயிலிருந்து 322.35 ரூபாயாகவும் விற்பனை விலை 332.00 ரூபாயிலிருந்து 332.25 ரூபாயாகவும் சற்று உயர்ந்துள்ளது.
சம்பத் வங்கியில் அமெரிக்க டொலரின் கொள்வனவு விலை 324.00 ரூபாயிலிருந்து 324.50 ரூபாயாகவும் விற்பனை விலை 332.00 ரூபாயிலிருந்து 332.50 ரூபாயாகவும் அதிகரித்துள்ளமை குறிப்பிடத்தக்கது.
