இந்திய பங்குச்சந்தைகள் சரிவுடன் நிறைவு.. தொடர் சரிவில் தங்கம் விலை..! | வணிகச் செய்திகள்

சர்வதேச பொருளாதார சூழல் காரணமாக, தங்கம் விலை கடந்த மாதம் அதிக ஏற்ற இறக்கங்களை சந்தித்தது. இந்நிலையில், இம்மாத தொடக்கத்தில் இருந்து தங்கம் விலை தொடர் சரிவை சந்தித்து வருகிறது. அந்த வகையில், புதன்கிழமையன்று ஒரு கிராம் 13 ஆயிரத்து 800 ரூபாய்க்கு விற்கப்பட்ட நிலையில், வியாழக்கிழமை 300 ரூபாய் சரிந்து 13 ஆயிரத்து 500-க்கு விற்கப்படுகிறது.

அதன்படி, சவரன் தங்கம் விலை ஒரே நாளில் 2 ஆயிரத்து 400 ரூபாய் குறைந்து ஒரு லட்சத்து 8 ஆயிரம் ரூபாயாக நிர்ணயிக்கப்பட்டுள்ளது. வெள்ளி விலையைப் பொறுத்தவரையில், மாற்றமின்றி ஒரு கிராம் 260 ரூபாய்க்கும், பார் வெள்ளி கிலோ 2 லட்சத்து 60 ஆயிரம் ரூபாய்க்கும் விற்பனையாகிறது.

இதற்கிடையே, இந்திய பங்குச்சந்தைகள் சரிவுடன் நிறைவடைந்தன. மும்பை பங்குச்சந்தை குறியீட்டெண் சென்செக்ஸ் 150 புள்ளிகள் சரிந்து, 73 ஆயிரத்து 832 புள்ளிகளுடன் நிலைபெற்றது. தேசிய பங்குச்சந்தை குறியீட்டெண் நிஃப்டி 53 புள்ளிகள் சரிந்து 23 ஆயிரத்து 161 புள்ளிகளுடன் நிலைபெற்றது. அதிகபட்சமாக ஐடி துறை சார்ந்த குறியீட்டெண்ணான நிஃப்டி ஐடி ஒன்றரை சதவீதம் அளவிற்கு சரிவைக் கண்டது.