அமெரிக்காவுடன் முடிவில்லாத போரையோ அல்லது எல்லை தாண்டிய நீண்டகாலப் பேச்சுவார்த்தைகளையோ ஈரான் விரும்பவில்லை என தெரிவிக்கப்பட்டுள்ளது.
ஆனால் ஈரானின் நியாயமான கோரிக்கைகளை அமெரிக்கா ஏற்றுக் கொள்ளும் வரை நாடு தொடர்ந்து போரிடும் என சுட்டிக்காட்டப்பட்டுள்ளது.
ஈரானிய நாடாளுமன்றச் சபாநாயகரும் தலைமைப் பேச்சுவார்த்தையாளருமான மொஹம்மத் பாகர் கலிபாஃப் (Mohammad Bagher Ghalibaf) இதனை தெரிவித்துள்ளார்.
ஈரான் பேச்சுவார்த்தை
இது தொடர்பில் மேலும் தெரிவித்த அவர், ஈரான் நிலையான தடுப்பு ஆற்றலை உருவாக்கும் நோக்கிலேயே ராஜதந்திர பேச்சுவார்த்தைகளை அணுகுகிறது என அவர் குறிப்பிட்டுள்ளார்.
நாங்கள் போரிடுகிறோம் மற்றும் பேச்சுவார்த்தை நடத்துகிறோம் என்று கூறுவதன் அர்த்தம், முடிவில்லாத போரையோ அல்லது பலனற்ற தொடர் பேச்சுவார்த்தைகளையோ நாங்கள் விரும்புகிறோம் என்பதல்ல என கலிபாஃப் சுட்டிக்காட்டியுள்ளார்.
ராஜதந்திர பேச்சுவார்த்தை என்பது சரணடைவதற்கல்ல, போர்க்களத்தில் வெளிப்படுத்திய இராணுவ பலத்தை அரசியல் மற்றும் தூதரக வெற்றியாக மாற்றுவதற்கே ஈரான் பேச்சுவார்த்தைகளைப் பயன்படுத்துகிறது என அவர் வலியுறுத்தியுள்ளார்.
ஈரான் மீது அமெரிக்கா விதித்த பொருளாதாரத் தடைகள், அழுத்தங்கள் மற்றும் அவகாசக் கெடுபிடிகள் அனைத்தும் முடிந்துவிட்ட போதிலும் ஈரானிய இஸ்லாமியக் குடியரசு தொடர்ந்து உறுதியுடன் இயங்கி வருகிறது என அவர் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
