ஃபிட்னஸ் டெஸ்டில் ரிஷப் பந்த் தோல்வி.. நியூசிலாந்து சுற்றுப்பயணம் செல்வதில் சிக்கல்! | கிரிக்கெட் செய்திகள்

கடந்த மாதம் ஸ்ரீநகரில் நடைபெற்ற ஜம்மு-காஷ்மீருக்கு எதிரான இரானி கோப்பை போட்டியில் ரெஸ்ட் ஆஃப் இந்தியா அணிக்காக விளையாடியபோது அவருக்கு விலா எலும்பில் தசைப்பிடிப்பு ஏற்பட்டது. இதன் காரணமாக அவர் கடந்த சில வாரங்களாக கிரிக்கெட் போட்டிகளில் பங்கேற்காமல் ஓய்வில் இருந்து வந்தார்.

கடந்த அக்டோபர் 23 முதல் பெங்களூரு மையத்தில் பயிற்சி பெற்று வரும் பந்த், தற்போது பேட்டிங் மற்றும் விக்கெட் கீப்பிங் பயிற்சிகளைத் தொடங்கிவிட்டதாக தகவல்கள் தெரிவிக்கின்றன. எனினும், அவர் முழுமையான உடல் தகுதியை எட்டியுள்ளாரா என்பதை உறுதி செய்வதற்காக பிசிசிஐ மருத்துவக் குழுவினர் வரும் நாட்களில் இரண்டாவது பிட்னஸ் சோதனைக்கு ஏற்பாடு செய்யவுள்ளனர்.

இந்த இரண்டாவது சோதனையில் அவர் தேர்ச்சி பெற்றால் மட்டுமே, நியூசிலாந்துக்கு எதிரான இரண்டு போட்டிகள் கொண்ட டெஸ்ட் தொடரில் பங்கேற்க பயணம் மேற்கொள்வார் என்று எதிர்பார்க்கப்படுகிறது.

இரண்டாவது பிட்னஸ் சோதனையில் பந்த் வெற்றி பெற்றால், நவம்பர் 7 முதல் 10 வரை லிங்கன் நகரில் நடைபெறும் இந்தியா ‘ஏ’ மற்றும் நியூசிலாந்து ‘ஏ’ அணிகளுக்கு இடையேயான 3-வது அதிகாரப்பூர்வமற்ற டெஸ்ட் போட்டியில் அவர் விளையாடுவார் என்று கணிக்கப்பட்டுள்ளது.

முன்னதாக நியூசிலாந்து ‘ஏ’ அணிக்கு எதிரான மூன்று அதிகாரப்பூர்வமற்ற டெஸ்ட் போட்டிகளிலும் பந்த் தேர்வு செய்யப்பட்டிருந்தார். ஆனால் காயம் காரணமாக முதல் இரண்டு போட்டிகளில் அவரால் பங்கேற்க முடியவில்லை. அவருக்கு மாற்றாக ஜார்க்கண்ட் அணியின் விக்கெட் கீப்பர்-பேட்ஸ்மேன் குமார் குஷாக்ரா அணியில் சேர்க்கப்பட்டார் என்பது குறிப்பிடத்தக்கது.

ஒருவேளை ரிஷப் பந்த் இரண்டாவது பிட்னஸ் சோதனையிலும் தோல்வியடைந்தால், நியூசிலாந்துக்கு எதிரான எதிர்வரும் டெஸ்ட் தொடரில் அவரது பங்கேற்பு கேள்விக்குறியாகிவிடும்.