முகேஷ் அம்பானியின் இளைய மகன் ஆனந்த் அம்பானிக்கும், தொழிலதிபர் வீரேன் மெர்சென்டின் மகள் ராதிகா மெர்சென்டிற்கும் வரும் ஜூலை 12 ஆம் தேதி திருமணம் நடைபெறவுள்ளது. இவர்களது திருமணத்தை முன்னிட்டு மார்ச் 1 ஆம் தேதி முதல் 3 ஆம் தேதி வரை ப்ரீ வெட்டிங் நடைபெறும் என்று அறிவிக்கப்பட்டது.
அதன்படி நேற்று முதல் (01.03.2024) ஆனந்த் – ராதிகாவின் ப்ரீ வெட்டிங் கொண்டாட்டம் தொடங்கியுள்ளது. குஜராத்தில் ஜாம்நகரில் நடைபெற்றுவரும் இந்த நிகழ்வில் பங்கேற்க ஏராளமான பிரபலங்கள் வருகை புரிந்துள்ளனர். அதனால் அங்கு பலத்து பாதுகாப்பு ஏற்பாடுகள் செய்யப்பட்டுள்ளன.
ஆனந்த் – ராதிகாவின் ப்ரீ வெட்டிங் நிகழ்ச்சியில் அமெரிக்க பாப் பாடகி ரிஹானாவுக்கு அழைப்பு விடுக்கப்பட்டது. அழைப்பை ஏற்று இந்தியா வந்த ரிஹானா ப்ரீ வெட்டிங் முதல் நாளான நேற்று மேடையில் பாடல் பாடினார்.
மெல்லிய, ஜொலிக்கும் இளம் பச்சை நிற உடையில் மேடைக்கு வந்த ரிஹானா, தனது பாடல்கள் மூலம் அனைவரையும் உற்சாகத்தில் ஆழ்த்தினார். விழாவிற்காக கூடியிருந்த விருந்தினர்கள் இருக்கையை விட்டு எழுந்து நடனமாடும் அளவிற்கு அவரது பாடல்கள் அமைந்தன.
இந்நிலையில் ஆனந்த அம்பானி – ராதிகா மெர்சென்டின் ப்ரீ வெட்டிங்கில் ரிஹானா பாடும் வீடியோ வெளியாகி வைரலாகி வருகிறது.
முன்னதாக மைக்ரோசாப்ட் நிறுவனர் பில் கேட்ஸ், ஃபேஸ்புக் நிறுவனர் மார்க் ஜூக்கர்பெர்க், ஷாருக்கான், சல்மான் கான், அக்ஷய் குமார் உள்ளிட்ட முன்னணி பிரபலங்கள் விழாவில் பங்கேற்றது குறிப்பிடத்தக்கது.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…