நுரையீரல் தொற்றால் பாதிக்கப்பட்டுள்ள போப் பிரான்சிஸ்.. வாடிகன் தகவல்!

88 வயதாகும் போப் பிரான்சிஸ், வயோதிகம் சார்ந்த உடல்நலப் பிரச்சனைகளால் கடந்த 14 ஆம் தேதி ரோம் நகரில் உள்ள ஜெமல்லி மருத்துவமனையில் அனுமதிக்கப்பட்டார். அவருக்கு சிறு வயதிலேயே நுரையீரலின் ஒரு பகுதி அகற்றப்பட்ட நிலையில், நுரையீரல் மற்றும் சுவாசப்பாதையில் ஏற்பட்ட தொற்றுக்கு முதலில் சிகிச்சை அளிக்கப்பட்டது. இந்நிலையில், அவருக்கு மூச்சுக்குழாய் அழற்சி ஏற்பட்டு இருப்பதாகவும், அதனால், வாந்தி உள்ளிட்ட உபாதைகள் ஏற்படுவதாகவும் வாடிகன் தெரிவித்துள்ளது.

இதனால், போப்பிற்கு செயற்கை சுவாசக் குழாய் பொருத்தப்பட்டுள்ள நிலையில், அவர் தொடர்ந்து தீவிர கண்காணிப்பில் வைக்கப்பட்டுள்ளார். போப் உடல் நலம் பெற வேண்டி, மருத்துவமனை முன்பு நாள்தோறும் நூற்றுக்கணக்கானோர் சிறப்பு பிரார்த்தனையில் ஈடுபட்டு வருகின்றனர்.