ஜாகீர் கான், சூர்ய குமார் யாதவ் ஜாம் நகர் வருகை… – News18 தமிழ்

ஆனந்த் அம்பானி – ராதிக மெர்ச்சென்ட் திருமணத்திற்கு முந்தைய கொண்டாட்டத்தில் பங்கேற்க முன்னாள் கிரிக்கெட் வீரர் ஜாகிர் கான், சூர்ய குமார் யாதவ் உள்ளிட்டோர் ஜாம் நகருக்கு வருகை புரிந்தனர். அவர்களுக்கு உற்சாக வரவேற்பு அளிக்கப்பட்டது.

முகேஷ் அம்பானியின் இளைய மகன் ஆனந்த் அம்பானிக்கும் தொழிலதிபர் வீரேன் மெர்சென்ட்டின் மகள் ராதிகா மெர்சன்டிற்கும் வரும் ஜூலை 12 ஆம் தேதி திருமணம் நடைபெற உள்ளது. இந்நிலையில் இன்று (01.03.2024) முதல் வரும் மார்ச் 3 ஆம் தேதி வரை இவர்களது ப்ரீ வெட்டிங் நடைபெற உள்ளது. இதன் காராணமாக குஜராத்தின் ஜாம் நகர் பகுதியில் பிரம்மாண்ட ஏற்பாடுகள் செய்யப்பட்டுள்ளன. சுமார் 1000 ஏக்கர் பரப்பளவில் காடு, புனரமைக்கப்பட்ட சாலைகள், சுமார் 2,500 உணவு வகைகள் என கோலகாலமாக நடைபெற்று வருகிறது.

இந்த பிரம்மாண்ட ப்ரீ வெட்டிங் கொண்டாட்டத்தில் கலந்துக்கொள்ள ஏராளமான பிரபலங்களுக்கு அழைப்பு விடுக்கப்பட்டுள்ளது. அதன்படி அழைப்பை ஏற்று நேற்று இரவு முதலே பிரபலங்கள் ஜாம்நகரில் குவியத் தொடங்கியுள்ளனர். ப்ரீ வெட்டிங்கிற்கு வரும் விருந்தினர்களை வரவேற்கும் விதமாக விமான நிலையத்தில் பாரம்பரிய முறைப்படி மேடைகள் அமைக்கப்பட்டு, அலங்காரம் செய்யப்பட்டுள்ளது. அதுமட்டுமன்றி வண்ண விளக்குகள், ஓவியங்கள் கண்ணை கவரும் வகையில் ஏற்பாடுகள் செய்யப்பட்டுள்ளன.

ஃபேஸ்புக் நிறுவனர் மார்க் ஜுக்கர்பெர்க், ஷாருக்கான், சல்மான் கான், தீபிகா படுகோன், ரன்வீர் சிங் உள்ளிட்டோர் வருகை புரிந்தனர். இயக்குனர் அட்லீ தனது மனைவி பிரியா மற்றும் குழந்தையுடன் பங்கேற்றுள்ளார்.

இந்நிலையில் முன்னாள் கிரிக்கெட் வீரர் ஜாகிர் கான் தனது மனைவி சஹாரிகாவுடன் ஜாம் நகருக்கு வருகை புரிந்துள்ளார். இதேபோன்று இந்திய அணியின் நட்சத்திர ஆட்டக்காரர் சூர்ய குமார் யாதவும் ப்ரீ வெட்டிங் கொண்டாட்டத்தில் பங்கேற்க ஜாம் நகருக்கு வந்துள்ளார்.

இந்தியாவில் இருந்து விவிஐபி விருந்தினர் பட்டியலில் குமார் மங்கலம் பிர்லா, உதய் கோடக், ஆதார் பூனாவாலா, சுனில் மிட்டல், சத்குரு, சச்சின் டெண்டுல்கர் மற்றும் குடும்பத்தினர், தோனி மற்றும் குடும்பத்தினர், ரோஹித் ஷர்மா, கேஎல் ராகுல், அமிதாப் பச்சன் மற்றும் குடும்பத்தினர், ரஜினிகாந்த் மற்றும் குடும்பத்தினர், ஷா ருக் கான் மற்றும் குடும்பத்தினர், ரன்வீர் சிங் மற்றும் தீபிகா படுகோன், ரன்பீர் கபூர் மற்றும் ஆலியா பட், விக்கி கௌஷல் மற்றும் கத்ரீனா கைஃப், மற்றும் மாதுரி தீட்சித் ஆகியோர் இடம்பெற்றுள்ளனர். இது தவிர உலகளாவிய வர்த்தகம் மற்றும் தொழில்நுட்ப பிரபலங்களும் விழாக்களில் பங்கேற்கின்றனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…