WTC Finals | வெளியேறியது முக்கிய அணி… சூடு பிடிக்கும் உலக டெஸ்ட் சாம்பியன்ஷிப் தொடர்… – News18 தமிழ்

உலக டெஸ்ட் சாம்பியன்ஷிப் தொடருக்கான இறுதிப்போட்டி அடுத்த ஆண்டு நடைபெறவுள்ளது. இந்த தொடரின் இறுதிப்போட்டியில் நேரடியாக தகுதிபெற, இந்திய அணி போராடி வரும் நிலையில், முக்கிய அணி வெளியேறியிருப்பது இந்திய அணிக்கு சாதகமாக அமைந்துள்ளது.

உலக டெஸ்ட் சாம்பியன்ஷிப் தொடரின் இறுதிப்போட்டி அடுத்த ஆண்டு ஜூன் மாதம் லார்ட்ஸ் மைதானத்தில் நடைபெறவுள்ளது. இந்த இறுதிப்போட்டிக்கு தகுதிபெற இந்திய அணி ஆஸ்திரேலியாவுடனான தொடரை 4 – 0 அல்லது 5 – 0 என்ற கணக்கில் வெற்றி பெற வேண்டும் என கூறப்பட்டுள்ளது.

இந்த நிலையில், இங்கிலாந்து உடனான தொடரின் முதல் போட்டியில், நியூசிலாந்து தோல்வியடைந்துள்ளதால், உலக டெஸ்ட் சாம்பியன்ஷிப் தொடரின் இறுதிப்போட்டியில் விளையாடுவதற்கான தகுதியை இழந்துள்ளது நியூசிலாந்து அணி.

இதையும் படிக்க:
சச்சின் வாழ்வில் திருப்பத்தை ஏற்படுத்திய 1 ரூபாய் நாணயம்… உத்வேகமூட்டும் சம்பவம்

நியூசிலாந்தில் நடைபெற்ற இந்த போட்டியில், இங்கிலாந்து அணி டாஸ் வென்று முதலில் பவுலிங் செய்ய முடிவெடுத்தது. முதல் இன்னிங்சில் 348 ரன்கள் எடுத்த நியூசிலாந்து, இரண்டாவது இன்னிங்சில் 254 ரன்களுக்கு சுருண்டது. ஆனால் இங்கிலாந்து அணி, முதல் இன்னிங்சில் 499 ரன்கள் குவித்தது. அதிகபட்சமாக ஹேரி ப்ரூக் 171 ரன்கள் எடுத்து அசத்தினார். இதனால் இரண்டாவது இன்னிங்சில் விளையாடும்போது, 104 ரன்கள் எடுத்தால் வெற்றி என்ற எளிய இலக்குடன் களமிறங்கியது இங்கிலாந்து. 2 விக்கெட் வித்தியாசத்தில், நான்காவது நாளிலேயே இலக்கை எட்டிப்பிடிக்க, 8 விக்கெட் வித்தியாசத்தில் வெற்றி பெற்றது இங்கிலாந்து.

தசை வளர்ச்சியை அதிகரிக்கும் 10 புரதம் நிறைந்த உணவுகள்.!
மேலும் செய்திகள்…